12:54 / 24-05-2024
MEDİA müsabiqə elan edib
Rusiya Almaniyadakı mitinqlərdən Ukraynaya qarşı istifadə edir
Tarix: 15-05-2024 17:27 | Bölmə: Dünya
Rusiya Almaniyadakı mitinqlərdən Ukraynaya qarşı istifadə edir

Rusiya hərbi kəşfiyyatı Almaniyada keçirilən dinc nümayişlərdən ölkədəki ictimai rəyə təsir etmək və Ukraynaya dəstəyi sarsıtmaq üçün istifadə etməyə çalışıb.

Reyting.az
xəbər verir ki, bu barədə “Bloomberg”ə Avropa hökumət rəsmiləri bildiriblər.

Adlarının çəkilməsini istəməyən rəsmilərin sözlərinə görə, Rusiya hərbi kəşfiyyatının (QRU) 54777 saylı psixoloji əməliyyat bölməsinin fəaliyyətinin hədəfində olan təşkilatlardan biri Alternativ Kinder Zukunft (AKiZ) və onun “Müharibə uşaqları” foto layihəsidir.

Avropa rəsmiləri deyirlər ki, AKiZ platformadan Şimali Atlantika Müqaviləsi Təşkilatına qarşı kampaniya aparmaq və Ukraynaya silah tədarükünün dayandırılmasına çağırış etmək üçün istifadə edir.

AKiZ həmçinin Almaniyanın bir sıra şəhərlərində, o cümlədən NATO Hava Komandanlığının qərargahının yerləşdiyi Berlin və Ramşteyn şəhərlərində sülh naminə aksiyalar keçirib. Lakin təşkilatın Rusiya kəşfiyyatı ilə bağlı olduğuna dair heç bir sübut yoxdur.

Məlumdur ki, bu təşviqat təşkilatının rəhbəri Oksana Valterdir və o, əvvəllər öz hərəkətlərini Rusiyayönlü təbliğatla uyğunlaşdırdığına dair tənqidləri rədd edib. Ötən il o, müsahibəsində layihənin uşaqlara həsr olunduğunu və heç bir ölkənin maraqlarını təmsil etmədiyini bildirib.

“AKiZ etirazlar və müharibə haqqında məzmun dərc etməklə yanaşı, COVİD-19-a qarşı peyvəndlər və uşaqlar üçün rus dili dərsləri haqqında məlumat yerləşdirmək üçün öz veb-saytından və TikTok kanalından istifadə edir. Təşkilatın internet saytında “qurbanların xatirəsinə həsr olunmuş” qısametrajlı filmlər də təbliğ olunur. AKiZ-in məlumatına görə, onlar Ukraynanın şərqindəki Donbasda Ukrayna tərəfinin əməliyyatları nəticəsində öldürülüb”, - deyə “Bloomberg” yazır.

ELÇİN




Bölməyə aid digər xəbərlər
{sape_links}{sape_article}