17:25 / 04-04-2025
“Bazarstore” qanunu pozub
Rusiyada həbsdə olan amerikalı qadın Olimpiya çempionu olub
Tarix: 13-08-2024 16:01 | Bölmə: İdman
Rusiyada həbsdə olan amerikalı qadın Olimpiya çempionu olub

Rusiya həbsxanasında bir ilə yaxın girovluqda qalan amerikalı basketbolçu Britni Qreyner Parisdə keçirilən Olimpiya Oyunlarında qızıl medal alıb.

Reyting.az
xəbər verir ki, bu barədə “Reuters” məlumat yayıb.

Qreyner 2022-ci ilin fevralında Moskva hava limanında saxlanılana qədər Rusiyadakı basketbol klublarından birində oynayıb. Rəsmi ittihama əsasən, onun baqajındakı elektron siqaret patronlarında sirr yağı olub. İdmançıda bu dərman üçün amerikalı həkimin resepti olmasına baxmayaraq, o, təxminən 10 ay Rusiya həbsxanasında cəza çəkib.

Rusiya məhkəməsi Qreyneri 9 il həbs cəzasına məhkum edib, lakin o, 2022-ci ilin dekabrında azadlığa buraxılıb. İdmançı ABŞ-da cəza çəkən “Ölüm taciri” kimi tanınan rusiyalı silah alverçisi Viktor But ilə dəyişdirilib.

Bundan sonra idmançı məşqlərinə davam edib və ABŞ komandası üçün oynayıb. 33 yaşlı idmançı son qızıl medal oyununda ABŞ komandası Fransanı 67-66 hesabı ilə məğlub etdiyi Paris Olimpiadasında da iştirak edib. Bu, oyunların son günündə - avqustun 11-də baş verib.

“Burada olacağımı düşünmürdüm. Burada ölkəm üçün qızıl medal qazandım. Ölkəmin sadəcə, mənim burada dayanmağım üçün necə mübarizə apardığını təsəvvür edirəm”, - Qreyner final oyunundan sonra deyib.

V. QULİYEV




Bölməyə aid digər xəbərlər
23-03-2025, 00:24 Azərbaycan millisi uduzub