18:00 / 30-09-2023
Borrell Odessaya gəlib
Məmurlara bağlı şirkətlər... - Onların “uğur hekayəsi” kürsüyə bağlıdır
Tarix: 31-08-2023 16:15 | Bölmə: İqtisadiyyat
Məmurlara bağlı şirkətlər... - Onların “uğur hekayəsi” kürsüyə bağlıdır

“Məmləkətimiz unikaldır, vəzifə sahibləri, onların övladları, nə hikmətdirsə, doğuşdan “dahi biznesmen”, “böyük iş adamı”, “istedadlı investor” olurlar, amma vəzifədən kənarlaşdırılan kimi, çox qəribədir ki, “dahi biznes bacarıqları” da yoxa çıxır”.

Reyting.az
xəbər verir ki, belə bir acı həqiqətin sirrini iqtisadçı Natiq Cəfərli açıb.

N. Cəfərli qeyd edib ki, bu günə qədər “ATA Holding”, “ZQAN Holding”, “Gəmiqaya”, “Cahan Holding” kimi biznes nəhəgləri, sahibləri vəzifə kürsüsündən kənarlaşdırılan və yaxud hakim düşərgədə mövqeləri zəifləyən kimi it-bat olublar.

N. Cəfərlinin sözlərinə görə, dünən daha bir “əfsanə” - “Gilan Holding” də tarixə qovuşub, 6 ay öncə adı dəyişib “Xəzri Solutions” olsa da, dünən ləğv edilib.

İqtisadçı hesab edir ki, nazirlərin və digər məmurların himayəsində olan şirkətlərin “uğur hekayəsi” həmin şəxslərin yüksək vəzifə kürsüsünə bağlı olur: “Bu isə ölkəmizdə necə mənasız iqtisadi və siyasi sistemin olduğunu göstərir. Hazırda “bərk gedən” holdinglərin də uğuru kürsülərə bağlıdır, eyni aqibətlə üzləşəcəklər, çünki heç biri biznes məntiqi ilə idarə olunmur, rəqabətli mühitdə ayaqda qalma potensialları yoxdur”.

N. Cəfərli qeyd edib ki, 32 illik müstəqillik dövründə işlək idarəetmə modeli bir yana, əsl və dayanıqlı biznes qurumları da yarada bilməmişik, milli burjuaziya formalaşmayıb, biznes məmur kürsüsü ilə diffuziya əlaqəsinə girib.

N. Cəfərli iddia edir ki, bu gün dünyaya təqdim edə biləcəyimiz bir məhsulumuz, dayanıqlı inkişaf yolu keçən, səhmləri dünya birjalarında satılan şirkətimiz yoxdur.

V. QULİYEV




Bölməyə aid digər xəbərlər
{sape_links}{sape_article}