Füzuli Hava Limanı iqtisadiyyatın region bazarları üzrə şaxələnməsinə töhvə verəcək - Deputat
Tarix: 26-10-2021 12:34 | Bölmə: İqtisadiyyat
Füzuli Hava Limanı iqtisadiyyatın region bazarları üzrə şaxələnməsinə töhvə verəcək

“Türkiyə prezidenti Rəcəb Tayyib Ərdoğan Füzuli Beynəlxalq Hava Limanının açılışında iştirak etmək üçün bu gün Azərbaycana gəlir. İşğaldan azad edilmiş ərazilərimizdə inşa edilən ilk hava limanı olan Füzuli Beynəlxalq Hava Limanı cəmi 9 ay ərzində qurulub sınaq uçuşları həyata keçirildi. Bu gün isə hava limanının rəsmi açılış mərasimi reallaşır”.

Reyting.az
xəbər verir ki bunu deputat Vüqar Bayramov deyib. O bildirib ki, Füzuli Beynəlxalq Hava Limanı ermənilərin tamamilə dağıdıb, xarabalığa çevirdiyi şəhərdə inşa edilib: “Bu da hava limanının xüsusi özəlliklərindədir. Bununla belə, artıq Füzuli şəhəri də inşa edilir və yaxın illərdə şəhərdə ilkin məskunlaşma olacaq. Məhz ondan sonra hava limanının əhəmiyyəti daha da artacaq.

Füzuli şəhəri məskunlaşanadək də hava limanı öz fəaliyyətini həyata keçirə biləcək.

Füzuli şəhərini Şuşa ilə birləşdirəcək Zəfər yolu da artıq hazırdır və bu da o deməkdir, xarici və yerli nümayəndələr hava limanı vasitəsi ilə Azərbaycanın mədəniyyət paytaxtına səfər edə biləcəklər.

İkincisi, Füzuli Hava Limanı hər növ təyyarələri qəbul etmək imkanına malikdir. Bərpa olunan Qarabağda yükdaşımaların əhəmiyyətini nəzərə alsaq, hava limanı prosesə xüsusi töhvə verəcək.

Füzuli Hava Limanı iqtisadi baxımından da vacibdir. İşğaldan azad olunan ərazilərimizin - bərpa və yenidənqurma mərhələsindən sonra Azərbaycan iqtisadiyyatının 8 faizini formalaşdıracağı gözlənilir. Bu, əlavə 5 milyard manat da artıq yeni dəyərin yaradılması deməkdir. Bu baxımdan çox yaxın gələcəkdə Füzuli Beynəlxalq Hava Limanı Qarabağ iqtisadiyyatının region bazarları üzrə şaxələnməsinə xüsusi töhvə verəcək”.




Bölməyə aid digər xəbərlər
bütün xəbərlər
{sape_links}{sape_article}