17:38 / 28-03-2024
Əməkdar artist vəfat edib
Alimlər İlham Əliyevdən kömək istəyir - Müraciət
Tarix: 22-07-2019 13:43 | Bölmə: Xəbərlər
Alimlər İlham Əliyevdən kömək istəyir

Bir qrup alim mənzil problemi ilə əlaqədar Azərbaycan Respublikasının Prezidenti İlham Əliyevə müraciət edib.

Müraciət müəllifləri dəfələrlə qaldırılan bu problemin hələ də öz həllini tapmadığını bildiriblər.

Alimlər yazırlar ki, AMEA prezidenti və onun ətrafındakı məmurlar tərəfindən (2016-cı ildən Bakı şəhəri, Yasamal rayonu, A. M. Şərifzadə küçəsi 12-də yerləşən AMEA-nın Aspirantlar yataqxanasının sakinləri) mənzil almaq hüquqları pozulub, layihə AMEA və “Sipark inşaat”ın (“Evro Stroy-S” MMC) mənfəət bazarına çevrilib.

“Bu gün də bu qanunsuz əməllər davam edir. “Sipark inşaat”la AMEA bizə ayrılan mənzilləri sataraq bizi evsiz qoyub. Müraciət ünvanlanandan bu günə kimi bizim problemimiz öz həllini tapmamış, təəssüflər olsun ki, səsimizi də Sizə onların havadarlarının hesabına çatdıra bilməmişik.

Biz sakinlər bu yataqxanaya qanuni yollarla gəlmişik, vaxtı ilə AMEA əməkdaşı olmuşuq və bu gün də AMEA əməkdaşlarıyıq, amma AMEA rəhbərliyi və “Sipark inşaat” qanunları pozaraq bizim mənzillərimizi mənimsəyərək, Sizin verdiyiniz göstərişı həyata keçirməyərək, bizi Dövlətdən narazı salaraq Sizin idarəetmə imicinizə ziyan vururlar”.

Müraciətdə bildirilib ki, AMEA yataqxanasında yaşayan 118 ailənin mənzil şəraitini yaxşılaşdırmaq məqsədilə Bakı şəhəri, Yasamal rayonu, Şərifzadə küçəsi 12 ünvanında yerləşən “Aspirantlar yataqxanası”na aid ərazidə 4 bloklu yeni yaşayış evi tikilib.

Amma AMEA ilə (indiki Sipark) “Evrostroy-S” MMC arasındakı razılaşmada tikilən yeni binada yataqxana sakinlərinin mənzillə təmin olunmaları əsas şərt olsa da, həmin 118 ailə bu günə qədər yeni mənzillərini gözləməkdədirlər, bu vaxta qədər həmin mənzillərin əsil sahiblərinə verilməsi ləngidilir.

“Məsələnin həlli ilə əlaqədar sakinlər müxtəlif instansiyaların qapılarını döymələrinə baxmayaraq heç bir nəticə yoxdur.

Cənab Prezident, sizdən xahiş edirik, xoş niyyətlə verdiyiniz göstərişin icrasının tamamlanmasına, sakinlərin yuxarıda göstərilən probleminin həllinə, sakinlərin haqlı narazılıqlarına son qoyulmasına kömək edəsiniz.

Hazırda tikinti şirkəti (Sipark) “Evrostroy-S” MMC və AMEA bina sakinlərinin razılığını alıb rəsmi instansiyalardan keçərək tikinti işlərini başlatdıqdan sonra yuxarıda gostərilən şərtlərdən boyun qaçırmağa çalışır.

Yuxarıda göstərilən problemin meydana çıxmasının səbəblərindən biri də göstərilən müqaviləni o tarixdə imzalayan Elmlər Akademiyası Prezidenti mərhum Mahmud Kərimovun vaxtsız vəfatından sonra AMEA-ya akad. Akif Əlizadənin rəhbər təyin olunması ilə onun ətrafina, rəhbərliyə yeni şəxslərin gəlməsi və yeni maraqlı tərəfin yaranması ilə əlaqədardır.

Belə ki, yeni rəhbərlik Şərifzadə küçəsi, ev 12 ünvanında yerləşən aspirantlar yataqxanasının torpaq sahəsində aspirantlar yataqxanasında yaşayan sakinlərin mənzil şəraitinin yaxşılaşdırılması üçün yataqxana binası və ətrafındakı ərazidə yataqxana sakinləri üçün yeni bina tikilməsi barədəki qərara öz istəklərinə uyğun şərh verərək, “binanın burada yaşayan AMEA əməkdaşları olan sakinlərin” mənzil şəraitinin yaxşılaşdırılması məqsədi ilə AMEA ilə (Sipark) “Evrostroy-S” MMC arasında podrat müqaviləsi bağlandığını iddia edir, sözügedən imzalanmış müqaviləni tanımaq istəmədiklərini deyirlər. Eyni zamanda tikinti şirkətinə də təsir göstərərək onların öz öhdəliklərini yerinə yetirmələrinə mane olur və yataqxana sakinləri tərəfindən hər hansı iddianın irəli sürülməsinin mümkünsüz olduğunu deyirlər.

Cənab Prezident, Sizdən xahiş edirik, xoş niyyətlə verdiyiniz göstərişin icrasının tamamlanmasına, sakinlərin yuxarıda göstərilən probleminin həll edilməsinə, yataqxana sakinlərinin haqlı narazılıqlarına son qoyulmasına kömək edəsiniz”.(Yenisabah)

Reyting.az




Bölməyə aid digər xəbərlər
27-03-2024, 09:47 Macarlar Orbana etiraz edir

{sape_links}{sape_article}