Lavrov Azərbaycana gəlib
Tarix: 10-05-2021 20:04 | Bölmə: Siyasət
Lavrov Azərbaycana gəlib

Rusiyanın Xarici İşlər naziri Sergey Lavrovun Azərbaycana səfəri başlayıb.

TASS xəbər verir ki, bu axşam o, Prezident İlham Əliyevlə görüşəcək.

Mayın 11-də isə Lavrovun azərbaycanlı həmkarı Ceyhun Bayramovla danışıqları planlaşdırılıb.

Rusiya Xarici İşlər Nazirliyinin rəsmi nümayəndəsi Mariya Zaxarovanın verdiyi məlumata görə, səfər zamanı Rusiya ilə Azərbaycan arasında ikitərəfli və regional əməkdaşlıq, habelə beynəlxalq aləmdə qarşılıqlı fəaliyyət məsələlərinin geniş spektri nəzərdən keçiriləcək.

Danışıqlar zamanı Rusiya, Azərbaycan və Ermənistan liderlərinin 10 noyabr 2020-ci il və 11 yanvar 2021-ci il tarixli bəyanatlarının həyata keçirilməsinin praktik aspektlərinə üstünlük veriləcəyi bildirilib.

***

Rusiya xarici işlər naziri Sergey Lavrov mayın 10-11-də Azərbaycana səfər edəcək.

Məlumata görə, işgüzar səfər çərçivəsində Rusiya XiN başçısının azərbaycanlı həmkarı Ceyhun Bayramovla danışıqları planlaşdırılır.

S. Lavrov Azərbaycan prezidenti Ilham Əliyev tərəfindən də qəbul ediləcək. Bu barədə Rusiya Xarici işlər Nazirliyinin Lavrovun Bakıya səfər öncəsi yaydığı məlumatda bildirilib.

"Rusiya tərəfi Azərbaycanla münasibətlərin inkişafının bütün spektri - siyasət, iqtisadiyyat, mədəni və humanitar sahələrdə açıq və qarşılıqlı hörmətə əsaslanan dialoqu davam etdirməkdə niyyətlidir.Rusiya, Azərbaycan və Ermənistan liderlərinin 9 noyabr 2020-ci il və 11 yanvar 2021-ci il tarixli bəyanatlarının hərtərəfli icrasına xüsusi diqqət ayrılacaq. Görüşlərdə Dağlıq Qarabağdakı vəziyyətə, Dağlıq Qarabağ nizamlanmasının humanitar aspektlərinə, konflikt sonrası bərpa və dinc həyatın qurulması məsələlərinə baxılması planlaşdırılır.Əsas vəzifələr arasında regionda bütün nəqliyyat və iqtisadi əlaqələrin bərpa olunması var.

Azərbaycan və Rusiya xarici siyasət idarələrinin rəhbərləri aparıcı regional və beynəlxalq birliklərin - MDB, BMT, ATƏT, Qoşulmama Hərəkatı, Avropa Şurası, QDİƏT platformalarında qarşılıqlı fəaliyyətin əlaqələndirilməsi məsələlərini də müzakirə edəcəklər", deyə Rusiya XiN-nin məlumatında qeyd olunub/APA.




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}