Ceyhun Bayramov: “Nasistlərin qəhrəmanlaşdırılması qəbuledilməzdir”
Tarix: 11-05-2021 13:51 | Bölmə: Siyasət
Ceyhun Bayramov: “Nasistlərin qəhrəmanlaşdırılması qəbuledilməzdir”

“Nasistlərin qəhrəmanlaşdırılması qəbuledilməzdir”.

Bunu xarici işlər naziri Ceyhun Bayramov Rusiya Federasiyasının xarici işlər naziri Sergey Lavrovla keçirilən birgə mətbuat konfransında deyib.

Nazir qeyd edib ki, Ermənistan BMT-nin qətnamələrinə əməl etmir: “Bu ölkədə Qaregin Nijde qəhrəmanlaşdırılır. Bu, ksenofobiyanın, radikal millətçiliyin təzahür formasıdır. Ermənistanda beynəlxalq terrorçuların qəhrəmanlaşdırılması təcrübəsi var. Biz hesab edirik ki, ksenofobiyanın müxtəlif təzahür formaları Ermənistanda mövcuddur. Bu ilin fevral aynda Ermənistanda Holokost abidəsi təhqir olunub, eyni zamanda, Mahatma Qandinin abidəsinə qarşı da vandalizm aktı törədilib. Bütün bunlar erməni cəmiyyətində bu problemlərin nə qədər dərin olduğunu göstərir. Onlar bu barədə daha çox fikirləşməlidir ki, bunun sonu necə olacaq”/APA.

***

Lavrov isə deyib ki, minalanmış ərazilərin xəritəsi, eləcə də humanitar məsələləri həll etmək üçün buradayıq.


Nazir hesab edir ki, humanitar məsələlərə minalanmış ərazilərin xəritəsinin verilməsi, həlak olanların meyitlərinin qalıqlarının və əsirlərin qaytarılması da daxildir: “Artıq ilk addımlar atılıb. Hesab edirik ki, bu problem tezliklə həll olunacaq”.

S. Lavrov harada baş verməsindən asılı olmayaraq nasizmin qəhrəmanlaşdırılmasını pislədiklərini bəyan edib: “Rusiya bir sıra Avropa və NATO ölkələrində də nasizminqəhrəmanlaşdırılmasına qarşı çıxır”.




Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}