00:11 / 14-06-2024
Bu gün "Son zəng"dir
Rusiyaya qarşı yeni sanksiya qərarı qəbul olunub
Tarix: 27-05-2024 14:35 | Bölmə: Slayd
Rusiyaya qarşı yeni sanksiya qərarı qəbul olunub

Avropa İttifaqının xarici işlər nazirləri bazar ertəsi Rusiyaya qarşı yeni sanksiyalar rejimini qəbul ediblər. Sanksiyalar rejimi Rusiya Federasiyasında insan haqlarının ciddi şəkildə pozulmasına görə qəbul olunub.

Reyting.az
xəbər verir ki, bu məlumatı bir neçə diplomat “dpa” agentliyinə təsdiqləyib.

Yeni sanksiyalar rejimi Rusiya müxalifətinin lideri Aleksey Navalnının ölümündən sonra yaradılıb. Tədbirlər müxalifətə qarşı repressiyalara görə məsuliyyət daşıyan şəxslərə və təşkilatlara qarşı yönəlib.

Diplomatların sözlərinə görə, ilk sanksiya siyahısına daxil etmək üçün 20-yə yaxın şəxs seçilib.

Bildirilir ki, bu tədbirlər Rusiyanın Ukraynaya genişmiqyaslı işğalına görə tətbiq edilən genişmiqyaslı iqtisadi sanksiyalardan ayrıdır.

Sanksiyalara Avropa İttifaqına girişin qadağan edilməsi və Avropa İttifaqı ölkələrində yerləşən aktivlərin dondurulması daxildir.

Qeyd edək ki, keçən həftə Avropa İttifaqı dövlətlərinin daimi nümayəndələri Navalnının həbsxanada ölümünə görə məsuliyyət daşıyan 20-yə yaxın şəxsə qarşı yeni sanksiyalar barədə razılığa gəliblər.

Fevralda Avropa İttifaqının (Aİ) səkkiz ölkəsi Aİ-nin xarici siyasət rəhbəri Josep Borrell-dən Navalnının ölümü ilə bağlı Rusiya prokurorları, hakimləri və həbsxana rəsmilərinə sanksiya tətbiqini xahiş edib.

Onu da xatırladaq ki, Rusiya Federasiyasının Federal Penitensiar Xidməti fevralın 16-da günorta saatlarında Navalnının Yamalo-Nenets Muxtar Dairəsinin 3 saylı islah koloniyasında ölməsi barədə məlumat yayıb. Qərb dövlətləri isə Navalnının ölümündə Rusiya prezidenti Putini ittiham edib.

E. KAMAL




Bölməyə aid digər xəbərlər
{sape_links}{sape_article}