23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Deputat ermənilərlə danışıqların dayandırılmasını istəyir - Foto
Tarix: 26-05-2020 16:37 | Bölmə: Slayd
Deputat ermənilərlə danışıqların dayandırılmasını istəyir

Dağlıq Qarabağ münaqişəsinin həlli ilə bağlı Ermənistanla aparılan danışıqların nəticəsiz qalması Azərbaycan ictimaiyyətində haqlı narazılıqları artırır. Hətta bəzi ekspertlər artıq Minsk Qrupuna da ehtiyac duymur və bu formatda aparılan danışıqları Azərbaycan üçün vaxt itkisi sayırlar.

Milli Məclisin deputatı, politoloq Rasim Musabəyov da Ermənistanla aparılan danışqları əhəmiyyətsiz sayır.

Musabəyov Reyting.az-a deyib ki, indi bizə, bu danışıqları pozan tərəf kimi Ermənistan hakimiyyətinin görünməsi maraqlıdır: “Odur ki, indi biz Ermənistanla deyil, həmsədrlik edən dövlətlərlə danışmalıyıq. Qoy, onlar ya Ermənistan hakimiyyətinə ağıl versinlər, ya da ortaya mövqe qoysunlar”.

R. Musabəyovun fikrincə, ya Minsk Qrupunun həmsədrləri ermənilərlə danışıb onları yola gətirməlidir, ya da açıq elan etməlidir ki, Ermənistan danışıqlar prosesini pozur:

“Bizə lazımdır ki, həmsədrlər Ermənistanın danışıqlar prosesini pozduğunu rəsmən təsdiqləsinlər. Hər halda, biz bu istiqamətdə diplomatik səylərimizi artırmalıyıq”.

Deputat ermənilərlə danışıqların dayandırılmasını istəyir
R. Musabəyov

Politoloq qeyd edib ki, indi ermənilərlə danışıq aparmaq əhəmiyyətsizdir: “Ermənilər deyib ki, biz masa arxasında olan sənəddən imtina edirik, mücərrəd məsələləri müzakirə etmirik. Qısası, bu gün ermənilərlə danışılası bir şey qalmayıb. Ona görə də, həmsədrlərə demək lazımdır ki, danışıqları pozan erməni tərəfidir və buyurun, ortaya mövqe qoyun”.

R. Musabəyov sonda əlavə edib ki, Şuşada keçirilən saxta inaqurasiya ilə eyni vaxtda Azərbaycan ordusunun keçirdiyi genişmiqyaslı hərbi təlimlər arasında əlaqə var. Yəni Azərbaycan tərəfi hər bir ssenariyə hazır olduğunu göstərir.

Reyting.az




Bölməyə aid digər xəbərlər
{sape_links}{sape_article}