Rasim Musabəyov: “Ermənistan təxribatlarla Azərbaycanı hövsələsiz addım atmağa məcbur edir”
Tarix: 14-09-2020 16:49 | Bölmə: Slayd
Rasim Musabəyov: “Ermənistan təxribatlarla Azərbaycanı hövsələsiz addım atmağa məcbur edir”

“Ermənistan Baş naziri Nikol Paşinyanın Dağlıq Qarabağa mütəmadi səfərlər etməsinin bir sıra səbəbləri ola bilər. Onlar anlayırlar ki, danışıqları pozublar. Danışıqların alternativi isə müharibədir. İndiki vəziyyət ermənilər üçün boğucudur və Azərbaycanın zərbəsi qarşısında yaşamağın çətin olduğunu anlayırlar. İstisna etmirəm ki, onlar həm müharibəyə hazırlaşa, həm də təxribatlar hazırlaya bilərlər”.

Bu fikirləri Reyting.az-a Milli Məclisin deputatı, politoloq Rasim Musabəyov Ermənistan Baş naziri Nikol Paşinyanın son aylar Dağlıq Qarabağa tez-tez səfərlər etməsinin səbəblərini şərh edərkən deyib.

R. Musabəyovun fikrincə, ermənilər hazırladıqları təxribatla onlar üçün dözülməz vəziyyəti dəyişdirmək məqsədini güdə bilərlər: “Onlar hesab edirlər ki, qısamüddətli müharibəni udmaq olar. Bu, ermənilər üçün uğursuz olacağı təqdirdə, hesab edirlər ki, onları himayə edən “əmiləri” - Fransa, Rusiya və ABŞ işə qarışacaq, danışacaqlar başlayacaq və onların tam məğlub olmasına imkan verməyəcəklər. Beləcə, vəziyyəti istədikləri kimi etibarlı dondurmağa çalışacaqlar və bununla da işğal etdikləri ərazinin böyük hissəsini əllərində saxlaya biləcəklər. Ermənilərin planı budur”.

Azərbaycana məxsus olan işğal altındakı ərazilərə Ermənistanın Livandan erməniləri köçürməsi məsələsinə də toxunan politoloq əlavə edib ki, buna ciddi yanaşmır: “Əslində belə səylər var. Ancaq bu vaxta qədər cəmi bir ailə köçürüblər. Lap olsun on ailə. Axı, bu, vəziyyəti dəyişmir. Bundan əvvəl də Ermənistan Suriyadan kimisə gətirmişdi. Amma gələnlərin səsləri çıxırmı? Onlar şəhər adamlarıdır, gəlib görürlər ki, burada onlar üçün yaşamaq məqbul deyil. Çoxları heç Yerevanda yaşamaq istəmirlər, nəinki Qarabağda. Lakin qeyd etməliyik ki, bu davranışlar Ermənistanın təxribatçı addımlardır. Azərbaycanı sövq edirlər ki, hövsələsiz addım atsın və onlar da bundan istifadə etsinlər. Necəki Tovuzda bunu etdilər. Onlar bu vaxta qədər ancaq təxribatla məşğul olublar”.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}