Türkiyə Yunanıstana qaz nəqlini dayandırır - Afina rəsmi Bakı ilə anlaşmaq məcburiyyətində qalıb
Tarix: 15-09-2020 13:36 | Bölmə: Slayd
Türkiyə Yunanıstana qaz nəqlini dayandırır - Afina rəsmi Bakı ilə anlaşmaq məcburiyyətində qalıb

Türkiyə ilə Yunanıstan arasında Aralıq dənzində müşahidə edilən gərginlikdən sonra diqqət iki ölkəni zaman-zaman qarşı-qarşıya gətirən təbii qaz ticarətinə yönəlib.

Reyting.az
Türkiyə mətbuatına istinadla xəbər verir ki, Azərbaycan ilə Türkiyə arasında imzalanan “Şahdəniz-I” razılaşması çərçivəsində 6,6 milyard kubmetr qaz idxalı nəzərdə tutulur. Türkiyə bu qazın 750 milyon kubmetrini Yunanıstana satmaq üçün 2003-cü ilin 23 dekabrında Afina ilə müqavilə imzalayıb.

Türkiyə ilə Yunanıstan arasında imzalanan qazın satın alınması ilə bağlı anlaşmanın müddəti 2021-ci ildə başa çatır. Türkiyə bu razılaşmanın müddətini artırmaq istəmir və Yunanıstana qaz nəqlini dayandıracaq.

İndi Yunanıstanın qaza tələbatına necə qarşılayacağı sualı meydana çıxıb. Bəzi iddialara görə, bu halda Yunanıstan Azərbaycanın milli neft şirkəti olan SOCAR-la danışıqlara başlayıb və qaz nəqlinə dair yeni anlaşmanın əldə olunacağı ehtimal edilir.

Qeyd edək ki, Türkiyə ildə 45-50 milyard kubmetr təbii qaz istehlak edir. Türkiyə neft-qaz ehtiyaclarının hamısını idxal yolu ilə qarşılayır. İdxal qazı isə əsasən Azərbaycan, İran və Rusiya xətti hesabına alınır. Həmçinin ABŞ, Qətər və Nigeriyadan da maye qaz alınır.

Onu da qeyd edək ki, Türkiyə və Yunanıstan arasında qazın qiyməti ilə bağlı bir neçə dəfə anlaşılmazlıqlar yaranıb. Bu anlaşılmazlıqlar səbəbindən tərəflər Orbitraj Məhkəməsinə də müraciət ediblər. Məhkəmə bir dəfə Türkiyənin xeyrinə qərar versə də, digərində Yunanıstan haqlı sayılıb.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}