Azərbaycan-Ermənistan sərhədindəki yeni hərbi cinayətlərin arxasında Rusiya durur - Foto
Tarix: 21-09-2020 12:40 | Bölmə: Slayd
Azərbaycan-Ermənistan sərhədindəki yeni hərbi cinayətlərin arxasında Rusiya durur

Dünən axşam saatlarından etibarən Ermənistan Azərbaycanın dövlət sərhədinin Şəmkir-Tovuz istiqamətində vəziyyəti daha da gərginləşdirmək üçün hərbi təxribatlarının miqyasını genişləndirməyə başlayıb.

Politoloq Cümşüd Nuriyev məsələni şərh edərkən Reyting.az-a deyib ki, vəziyyətin gərginləşdirilməsi Rusiyanın planıdır.

Onun sözlərinə görə, hələ bir neçə gün əvvəl bəyan edib ki, əgər Rusiya Belarusu istədiyi formada nəzarətə götürə bilsə, diqqətini başqa istiqamətə yönəldəcək: “Artıq Rusiyanın təbrincə Belarus məsələsi bitib və Lukaşenko Kremlin şərtlərini qəbul edib”.


C. Nuriyev

Politoloq təəssüflə bildirib ki, Rusiya əvvəlki illərdə olduğu kimi yenə öz ampulasındadır və imperiya ambissiyalarından əl çəkmir:

“Son günlər Azərbaycanda “Beşinci kolon” da sönük statusa keçmişdi. İndi bunlar da aktivləşə bilər.

1936-cı ildə İspaniya inqilabı zamanı general Male Madridə yaxınlaşanda bildirir ki, mənimlə 4 alay hərəkət edir, amma beşinci alayım Madriddə yerləşib. Əslində general xalqın içində olan satqınlardan bəhs edirdi.

Adolf Hitler isə deyirdi ki, 10 güllən olsa 9-nu içindəki xainlərə vur, birini isə düşmənə at. Bizdə də “Beşinci kolon” bu mənada təhlükəlidir”.

C. Nuriyev qeyd edib ki, indi cəbhədə gərginlik Dağlıq Qarabağ istiqamətində deyil, məhz Azərbaycan-Ermənistan dövlət sərhədində müşahidə edilir: “Yəni Rusiya çalışır ki, bu yolla Kollektiv Təhlükəsizlik Müqaviləsi Təşkilatının şərtlərini gündəmə gətirsin. Həmin təşkilatn nizamnaməsinə görə, Rusiya o halda Ermənistanın arxasında dayana bilər ki, Ermənistanın sərhəd bölgəsində hadisə yaşansın. Rusiya indi buna çalışır. Hər halda Türkiyə ordusunun Azərbaycanda olmasını da həzm edə bilmirlər. Bu, ancaq Azərbaycana qarşı təxribat deyil. Bu, həm də Türkiyəyə mesajdır”.

Politoloq əlavə edib ki, Suriyada və Liviyada Türkiyəyə məğlub olan Rusiya Cənubi Qafqazda məğlubiyyət acısını dadmaq istəmir.

Reyting.az




Bölməyə aid digər xəbərlər
bütün xəbərlər
{sape_links}{sape_article}