18:21 / 23-01-2021
Şahbuzda zəlzələ olub
Ermənistanın Baş naziri postuna müxalifətin vahid namizədi bəlli olub
Tarix: 03-12-2020 09:49 | Bölmə: Slayd
Ermənistanın Baş naziri postuna müxalifətin vahid namizədi bəlli olub

Ermənistan müxalifətinin Baş nazir postuna yeni namizədi Vazgen Manukyandır. Ermənistanda çoxları Manukyanın 1996-cı il seçkilərində qalib gəldiyinə inanır, amma o dövrdə prezident Levon Ter-Petrosiyanın komandası seçkiləri saxtalaşdıraraq onun iqtidara gəlişini əngəlləyib.

Reyting.az
xəbər verir ki, bu barədə erməni KİV-ləri mötəbər mənbələrə istinadla məlumat yayırlar.

Ermənistanda 16 siyasi partiyanın vahid namizədi bu ölkənin keçmiş Baş naziri, Milli Demokrat İttifaqının sədri Vazgen Manukyan göstərilir.

Xatırladaq ki, Manukyan keçid dövrü üçün kompromis namizəd kimi qəbul edilir.

Erməni müxalifəti dekabrın 5-də “Qurtuluş” adı verdiyi izdihamlı aksiyaya hazırlaşır. Onun rəsmi namizədliyi də bu aksiya zamanı açıqlanacaq.

Müxalifət, Nikol Paşinyanın və rəhbərlik etdiyi siyasi qüvvənin seçkilərdə iştirak etməməsi şərtilə yeni parlament seçkilərinin keçirilməsinə də çalışır.

Manukyanın namizədliyi isə “tarixi ədalətin” bərpasını simvollaşdırır. Çünki onun hakimiyyətə yolunu məhz Paşinyanın bir vaxtlar yaxın olduğu Levon Ter-Petrosyan komandası kəsib.

Müxalifət hesab edir ki, Manukyan Paşinyanın istefasından sonra Ermənistanın keçid hökumətinə rəhbərlik etməlidir.

Qeyd edək ki, “Rodina” partiyası idarə heyətinin üzvü Robert Harutyunyan da RBC-yə açıqlamasında namizəd kimi Manukyanın adını çəkib.

Ermənistanın müxalifət dairələrindəki digər mənbələr də "İnterfaks"a açıqlamalarında Manukyanın adını hallandırıblar.

"Vazgen Manukyan Ermənistan Keçid Hökumətinin Baş naziri vəzifəsinə vahid namizəd olacaq", - deyə agentliyə bildiriblər.

Onu da qeyd edək ki, Dağlıq Qarabağda döyüşlərin başlamasından bir ay sonra Manukyan hökuməti istefaya səsləyib, hakimiyyəti orduya təhvil verməyə çağırırdı.

Reyting.az




Bölməyə aid digər xəbərlər
bütün xəbərlər
bütün xəbərlər
{sape_links}{sape_article}