Türkiyə Ukrayna-Rusiya müharibəsinə cəlb oluna bilər
Tarix: 03-04-2021 12:22 | Bölmə: Slayd
Türkiyə Ukrayna-Rusiya müharibəsinə cəlb oluna bilər

“Ukrayna-Rusiya münaqişəsində qardaş Türkiyə ciddi şəkildə rol oynayacaq. Həm ikitərəfli - Türkiyə-Ukrayna münasibətləri çərçivəsində hərbi və hərbi-texniki yardım göstəriləcək, həm də NATO hərbi ittifaqının üzvü olan Türkiyə alyans çərçivəsində Ukraynaya dəstək verəcək”.

Bunu Reyting.az-a təhlükəsizlik məsələləri üzrə mütəxəssis Sülhəddin Əkbər Ukrayna-Rusiya münaqişəsinin dərinləşəcəyi təqdirdə Türkiyənin rolunu analiz edərkən deyib.


S. Əkbər

Mütəxəssis hesab edir ki, Türkiyənin NATO çərçivəsində Ukraynaya dəstək verməmək imkanı yoxdur.

NATO-nun Çevik Qüvvələr Komandanlığının hazırda Türkiyədə olduğunu xatırladan Sülhəddin Əkbərin sözlərinə görə, konflikt genişlənəcəyi və NATO prosesə müdaxilə edəcəyi təqdirdə Türkiyə kənarda qala blməz:

“Nəzərə almaq lazımdır ki, NATO alyansının ilk müdaxilə edəcəyi Çevik Qüvvələr Komandanlığı Türkiyədədir. Odur ki, Türkiyə bu prosesi yaxından izləyəcək”.

Türkiyənin həm də Qara dəniz ölkəsi olduğuna vurğu edən S. Əkbərin fikrincə, ya Türkiyənin özü Qara dənizdə aktiv fəaliyyət göstərməlidir, ya da boğazları açaraq ABŞ və NATO gəmilərini Qara dənizə buraxmalıdır.

Hazırda Ukrayna-Rusiya cəbhəsində durumun gərgin olduğunu düşünən S. Əkbər hesab edir ki, indi lokal qarşıdurmalar, atəşkəsin pozulması halları baş verə bilər, lakin ehtimal edilən odur ki, daha böyük masştablı hərbi əməliyyatlar may ayında başlayacaq.

Reyting.az




Bölməyə aid digər xəbərlər
{sape_links}{sape_article}