18:05 / 21-04-2021
Rusiya ABŞ-a nota verib
Müstəqil Dövlətlər Birliyi dağılmaq üzrədir - Professor
Tarix: 07-04-2021 13:52 | Bölmə: Slayd
Müstəqil Dövlətlər Birliyi dağılmaq üzrədir

“Bu ilin sonuna qədər Müstəqil Dövlətlər Birliyinin nə zaman dağılacağını konkret biləcəyik. Ancaq unutmayaq ki, MDB-dən savayı digər formatlar da var. Məsələn, Kollektiv Təhlükəsizlik Müqaviləsi Təşkilatı, Avrasiya Birliyi, Gömrük İttifaqı. Amma bu formatların əksəriyyətində MDB ölkələrinin çoxu iştirak etmir”.

Bu fikirləri Reyting.az-a professor Əli Abbasov deyib.

Onun fikrincə, mümkündür ki, MDB üzv dövlətlər tərəfindən buraxılsın. Yəni bu qurumun nüfuzu o qədər aşağı düşsün ki, onunla maraqlanan olmasın.


Ə. Abbasov

Ə. Abbasov hesab edir ki, hazırda MDB məkanında Rusiyaya qarşı ciddi təzyiqlər var. Bunu Ukrayna böhranı, Ermənistanın durumu, Moldovada anti-rus qüvvələrinin hakimiyyətə gəlməsi də göstərir.

Professor xatırladıb ki, bir zamanlar Rusiya MDB-yə üzv olan keçmiş sovet respublikalarına dəstək verirdi. Məsələn, maliyyə, iqtisadi, hərbi köməkliklər edirdi: “Eləcədə qazı həmin ölkələrə dünya bazarındakı qiymətlərdən aşağı satırdı. İndi Rusiya bu köməkliklərini dayandırıb. Bu gün MDB ölkələrinə satışda da beynəlxalq bazar qiymətlərinə keçiblər. Heç kimə heç nəyi havayı vermirlər, bağışlamırlar, köməklik də göstərmirlər. Ona görə də, zamanında Rusiya maliyyə və imkanları sayəsində MDB-ni saxlaya bilirdi, amma indi belə imkanlar mövcud deyil. Buna əks proseslər gedir”.

Ə. Abbasov iddia edir ki, MDB ölkələri daxilindəki proseslər MDB-yə qarşıdır: “Biz hələlik Ukrayna, Moldova və Gürcüstandan danışırıq. Orta Asiyaya nəzərə salsaq aydın olar ki, onlar çoxdan Çin və ya ABŞ-ın təsir dairəsinə düşüblər”.

Abbasovun qənaətincə, baş verənlər Rusiyanı gərgin dövrün gözlədiyinə işarədir: “Belə vəziyyəti Rusiyanın özü yaradıb. Deməli, ortada olan problemləri həll etmək lazımdır. Oturub gözləmək olmaz”.

Reyting.az




Bölməyə aid digər xəbərlər
bütün xəbərlər
{sape_links}{sape_article}