Türkiyəyə qarşı “Fil yürüşü” ssenarisi: 100 qırıcı havaya qaldırılıb
Tarix: 20-04-2021 11:50 | Bölmə: Slayd
Türkiyəyə qarşı “Fil yürüşü” ssenarisi: 100 qırıcı havaya qaldırılıb

Yunanıstan tərəfindən başladılan Aralıq və Egey dənizlərini əhatə edən “İnihos 21” adlı hərbi təlimlər yeddi dövlətin iştirakı ilə davam edir.

Reyting.az
xatırladır ki, Türkiyəyə qarşı hərbi ittifaqlarını genişləndirən rəsmi Afina ABŞ, Fransa, İsrail, Birləşmiş Ərəb Əmirlikləri (BƏƏ), Cənubi Kipr və İspaniyanın iştirakı və 100 ədəd qırıcı təyyarənin iştirakı ilə Andravi hava bazasında təlimlər keçirir.

Sözügedən hərbi hava bazası paytaxt Afinadan 280 kilometr uzaqlıqda yerləşir.

Dünən təlimlər zamanı 33 qırıcının və helikopterlərin iştirakı ilə “Fil yürüşü” ssenarisi həyata keçirilib.

Bu gün keçirilən təlimləri izləmək üçün Yunanıstan Baş naziri Kiriakos Miçotakis də Andravi hava bazasına gələcək.

Türkiyə mütəxəssislərini isə daha çox təlimlər zamanı “Fil yürüşü” ssenarisinin oynanılması maraqlandırıb.

Məlumat üçün bildirək ki, “Fil yürüşü” hərbi terminologiyada təhlükə yarandığı zamanı qırıcıların uçuş zolağında yüklənərək ən qısa müddətdə havaya qalxmağa hazır olmalarını nəzərdə tutur.

Bu yürüşlər eyni zamanda pilotlaın komanda ilə işləmək qabiliyyətini artırmaq, hərbi bazalarda hava reaksiyasını ölçmək üçün güc nümayişi məqsədilə həyata keçirilir.

Qeyd edək ki, Yunanıstanın dayanmadan dənizlərdə hərbi təlimləri və manevrlərinin Türkiyəyə qarşı olması şübhəsizdir. Hazırda Ankara ilə Afina arasında müəyyən dialoqlar olsa da, tərəflər dəniz sərhədləri məsələsində razılığa gələ bilmirlər. Bu prosesdə faktiki olaraq Yunanıstan Avropa Birliyi tərəfindən dəstəklənir. ABŞ da epizodik olaraq Afinanın yanında yer aldığını nümayiş etdirir. Amma bölgədə Türkiyənin əhəmiyyəti və NATO-da ən güclü ordulardan birinə sahib olması qərb dünyasını Türkiyəyə qarşı “qırmızı xətti” keçməməyə sövq edir.




Bölməyə aid digər xəbərlər
{sape_links}{sape_article}