Politoloq: “Ermənistanın son davranışları ilə bağlı məsələni Rusiya qarşısında qaldırmalıyıq”
Tarix: 09-06-2021 16:37 | Bölmə: Slayd
Politoloq: “Ermənistanın son davranışları ilə bağlı məsələni Rusiya qarşısında qaldırmalıyıq”

“Ermənistanın son davranışlarını üçtərəli razılaşmanın bir tərəfi olaraq Rusiya qarşısında qaldırmalıyıq. Rusiya burada aparıcı güclər çərçivəsində əsas oyunçudur, üstəlik strateji portnyordur və nəhayət Ermənistanın strateji müttəfiqidir. Həmçinin bir sıra məsələlərin içində olan ölkədir. Sözsüz ki, biz bu məsələdə daha prinsipial mövqe nümayiş etdirməliyik”.

Bu sözləri Reyting.az-a politoloq Fikrət Sadıqov “Ermənistanın üçtərəfli sazişə zidd addımlar atmasından sonra Bakı hansı tədbirlər görməlidir”- sualına cavabında deyib.

Fikrət Sadıqov hesab edir ki, bir sıra siyasi güclərin Ermənistanın “başını sığallaması” sayəsində bu ölkə özünü sərbəst hiss etməyə başlayıb. Onun sözlərinə görə, bu, bizi narahat etməlidir: “Biz bu məsələyə dair diplomatik və siyasi müstəvidə daha sərt addımlar atmalıyıq. Həmin aparıcı ölkələrin vasitəsilə İrəvana təzyiq göstərməliyik. Bu, indiki mərhəldə ola bilsin ki, real görünmür, amma biz bunun üçün işləməliyik. Çünki artıq Ermənistanın kommunikasiya və dəhliz açılmasına sərt reaksiya verməsi, habelə guya Bakıda erməni əsirlərinin olmasına dair mövqeyinin qarşısında tələb qoyulmalıdır. Bu da güclərin vasitəsilə həyata keçirilməlidir. Çünki minalanmış ərazilərin xəritələri Bakıya verilməlidir. Habelə İrəvan diversiya və təxribat fəaliyyətini dayandırmalıdır. Həmçinin 10 noyabr bəyannaməsində kommunikasiyaların açılması nəzərdə tutulursa, deməli, Ermənistan buna əməl etməlidir. Burada aparıcı ölkələrin rolu böyükdür. Biz bu amildən də istifadə etməli, məsələləri qaldırmalıyıq”.

Reyting.az




Bölməyə aid digər xəbərlər
bütün xəbərlər
{sape_links}{sape_article}