18:55 / 19-05-2022
Xalq artisti vəfat edib - Foto
Türkiyə niyə Rusiya-Ukrayna arasında vasitəçi olmaq istəyir?
Tarix: 22-01-2022 14:56 | Bölmə: Slayd
Türkiyə niyə Rusiya-Ukrayna arasında vasitəçi olmaq istəyir?

Rusiya ilə Ukrayna arasında gərginliyin artdığı bir mərhələdə barışıq cəhdləri sürətlənir, digər tərəfdən də mümkün əməliyyatın təsirləri müzakirə edilir. ABŞ, NATO və Türkiyənin də iştirakı ilə son vaxtlar diplomatik cəhdlər güclənib. Bir sıra mütəxəssislər Türkiyənin Rusiya-Ukrayna gərginliyində oynaya biləcəyi rolu da şərh edirlər.

Reyting.az
-ın xəbərinə görə, Ankara-Rus Araşdırmaları İnstitutunun (RUSEN) və Ankara Yıldırım Beyazıt Universitetinin prezidenti professor Salih Yılmaz deyib ki, Türkiyə baxımından mümkün müharibə əhəmiyyətli itkilərlə nəticələnə bilər:

“Əvvəla, Qara dənizdə müharibə vəziyyəti yaranarsa, bu yay həm Rusiyadan, həm də Ukraynadan Türkiyəyə turistlərin gəlməsi çətin olacaq. Başqa bir problem də budur ki, Türkiyə buğda tələbatının böyük hissəsini Rusiya və Ukraynadan ödəyir. Müharibə vəziyyəti bu idxala da təsir etdiyi üçün ərzaq məhsullarında sürətli artımlar ola bilər”.

Professorun fikrincə, müharibə vəziyyətində Rusiya üçün əhəmiyyətli bir gəlir mənbəyi kimi görünən Qara dənizdəki “Türk axını” və “Bluestream” kimi təbii qaz kəmərlərinə də hücum ola və bu, Türkiyədə təbii qaz böhranına səbəb ola bilər.

Salih Yılmaz diqqətə çatdırıb ki, Türkiyə həm Ukrayna, həm də Rusiya prezidentlərini Türkiyəyə dəvət etməklə əslində vasitəçilik təklifi ilə bu böhranda bitərəf qalacağına işarə edir:

“Türkiyə ABŞ və Avropa İttifaqı ölkələrinin Rusiyaya qarşı tətbiq etdiyi sanksiyaları tanımır və tətbiq etmir. Bu mənada iki ölkə arasında anlaşma və əməkdaşlıq olduğunu deyə bilərik. Türkiyə Rusiya sanksiyalarını həyata keçirməsə də, xüsusilə bank sistemində tətbiq olunacaq sanksiyalar Rusiyanın Türkiyədəki layihələrinə mənfi təsir göstərəcək. Akkuyu Atom Elektrik Stansiyasının tikintisi gecikə, dolların dövriyyəsi olmadığı üçün Rusiya layihələrini dayandırmalı ola bilər. Qara dəniz döyüş bölgəsinə çevriləcəyindən ticarət yollarından istifadə çətinləşəcək ki, bu da qiymətlərdə özünü göstərəcək”.

Professor əlavə edib ki, Türkiyə ilə Rusiya arasında heç bir böhran vəziyyəti yoxdur: “Ancaq böhrandan iqtisadi cəhətdən ən çox təsirlənəcək ölkələrdən biri də Türkiyə olacaq. Türkiyənin ABŞ-la gərgin münasibətləri də bu iqtisadi itkiləri kompensasiya etməyə mane ola bilər”.




Bölməyə aid digər xəbərlər
{sape_links}{sape_article}