16:18 / 01-03-2024
Navalnı dəfn olunub
İsrail Zelenskinin Tel-Əviv səfərinə niyə razılıq verməyib?
Tarix: 20-10-2023 15:38 | Bölmə: Dünya
İsrail Zelenskinin Tel-Əviv səfərinə niyə razılıq verməyib?

“Qara şənbə hadisələri başlayanda - oktyabrın 7-də Ukrayna prezidenti İsrailin baş naziri ilə ilk əlaqə saxlayanlardan olub. O, İsrail xalqı ilə həmrəy olduğunu deyib, dəstəyini ifadə edib və çox aydın şəkildə bildirib ki, indiki dövrdə bütün qlobal liderlər dəstəyini vurğulamaq üçün İsrail torpağında olmalıdır. Yəni söhbət səfərdən getmir. Prezident sadəcə, İsrailə səfər etməyə hazır olduğunu söyləyib. Amma bu, Ukrayna ilə nümayiş etdirilən həmrəylikdən gedir. Müharibəmizin başlanğıcı, başqa ölkələrin liderləri də bizə gəlib, dəstəyini ifadə edirdi”.

Reyting.az
xəbər verir ki, bunu Ukrayna rəsmisi Mixail Podolyak Ukrayna prezidenti Zelenskinin İsrailə planlaşdırdığı səfərin rədd edilməsi haqda yayılan xəbərlərə aydınlıq gətirərkən deyib.

Podolyak əlavə edib ki, səfərlər həmişə Xarici İşlər Nazirliyi tərəfindən həyata keçirilir: “Onlar təhlükəsizliyi nəzərə alaraq məsləhətləşmələr aparırlar, çünki nəzərə almalıyıq ki, biz müharibə şəraitindəyik. Eyni zamanda, Ukrayna öz mövqeyini açıq şəkildə ifadə edib və həmrəylik nümayiş etdirib”.

Ukrayna rəsmisi bildirib ki, səfərlər məşvərət səviyyəsində razılaşma məsələsidir: “Onlar həyata keçirilir, ölkələr razılaşır, bu səfərlər vaxtaşırı baş verir. Bizim artıq düşmənimizin kim olduğunu vurğulamaqla taktikamız var ki, prezidentin səfərləri ilə bağlı məlumatları minimuma endirək”.

Bəzi iddialara görə, rəsmi Tel-Əviv Zelenskiyə rədd cavabı verib və eyni zamanda Putin İsrailin baş naziri Binyamin Netanyahu ilə danışıb.

Qeyd edək ki, oktyabrın 11-də Zelenski dünya liderlərinə İsrailə uçmağı və terror hücumuna məruz qalan insanlara dəstək verməyi tövsiyə edib. İsrail mediası Ukrayna prezidentinin özünün belə bir səfər planlaşdırdığını yazıb. Lakin oktyabrın 16-da mediada Zelenskiyə səfərə icazə verilmədiyi barədə məlumat yayılıb. İsrail tərəfi belə bir səfərin “vaxtında olmadığını” cavablandırıb. Həmin gün axşam saatlarında İsrailin baş naziri B. Netanyahu Rusiya prezidenti V. Putinlə telefonla danışıb.

ELÇİN




Bölməyə aid digər xəbərlər
Dünən, 16:18 Navalnı dəfn olunub
28-02-2024, 14:50 Lavrov Türkiyəyə gedir
27-02-2024, 10:15 Patruşev Kubaya gedib

{sape_links}{sape_article}