Ukrayna prezidenti Vladimir Zelenski Kiyevin Bankova küçəsindəki bunkeri nümayiş etdirib.

Reyting.az xəbər verir ki, videoda bunkerin içərisində “Ukrayna Prezidentinin Ofisi” və “Nazirlər Kabineti” yazılan lövhələr də var.

“Burada çox iş görülüb. Biz bu obyekti əvvəllər heç vaxt göstərməmişik”, - deyə Zelenski 2022-ci ilin fevral ayında baş verən hərbi əməliyyatlara toxunaraq bildirib.

Videoda həmçinin Zelenskinin münaqişənin əvvəlində digər liderlərlə telefon danışıqları apardığı ofisi də göstərilir.

Ukrayna prezidenti əlavə edib ki, hərbi əməliyyatların başlanğıcında bu bunkerdə “yüzlərlə insan” olub.

Dünən Vladimir Zelenski prezident administrasiyasında işləyərkən iki il bunkerdə yaşadığını açıqlayıb. İndi isə o, sığınacağa yalnız gecə hava hücumu siqnalları zamanı endiyini bildirib.

V. QULİYEV