Ukrayna və Fransa bir neçə ildir hərbi hədəfləri uğurla məhv edən “AASM Hammer” idarə olunan hava bombalarının rekord səviyyədə çatdırılmasını təşkil etmək üzərində işləyirlər.

Reyting.az xəbər verir ki, Fransa Aerokosmik Qüvvələri müxtəlif platformalarda “Hammer” bombalarından istifadə edir.

Onlar “F-16”, “Dassault Rafale”, “Mirage 2000D” və digər qırıcı modelləri ilə uyğun gəlir.

Ukrayna Müdafiə Nazirliyinin məlumatına görə, Ukrayna Hərbi Hava Qüvvələri bu sursatları artıq Sovet “MiG-29” qırıcı təyyarələrindən atılmaq üçün uyğunlaşdırıb və bu sursatların xüsusiyyətlərini də təsvir edir.

“AASM Hammer” sadəcə bomba deyil, ixtisaslaşmış avadanlıq paketidir. O, adi sərbəst düşən bombaları dəqiq idarə olunan silahlara çevirir. Paketə istiqamətləndirmə bloku və qanadları, gücləndiricisi olan quyruq modulu daxildir.

Qabaqcıl istiqamətləndirmə sistemi sayəsində bombalar hədəflərini 10 metrə qədər dəqiqliklə vurur. Gücləndirici hədəfləri 70 km-ə qədər məsafədə məhv etməyə imkan verir. Bu, pilotlara düşmənin hava hücumundan müdafiə zonasına girmədən bomba atmağa imkan yaradır.

Hazırda ən populyar “Hammer” dəstləri 250 kiloqramlıq Mk 82 və 1000 kiloqramlıq Mk 84 bombaları üçündür. Digər sursat növləri üçün modullar da mövcuddur.

V. QULİYEV