Cəbhə bölgəsində sənaye və tikinti sahəsində statistik vəziyyət necədir?
Tarix: 25-09-2020 15:27 | Bölmə: İqtisadiyyat
Cəbhə bölgəsində sənaye və tikinti sahəsində statistik vəziyyət necədir?
Füzuli rayonunda 2020-ci ilin yanvar-avqust aylarında sənaye fəaliyyəti ilə məşğul olan müəssisələrin istehsal etdiyi məhsulun həcmi 12487.6 min manat olub. Bu, əvvəlki illə müqayisədə 3.9 faiz azalma deməkdir. Azalmaya əsas səbəbi kimi dünyada və ölkəmizdə panidemiya ilə bağlı sərt karantin rejiminin tətbiqidir.

Reyting.az
xəbər verir ki, bunu Füzuli rayon Statistika idarəsinin rəisi Rafiq Məstəliyev bildirib.

Qeyd olunur ki, sənaye sahəsində işləyən 574 nəfərdən 470 nəfəri dövlət, 104 nəfəri isə qeyri-dövlət sektorunun payına düşür. Bundan əlavə, emal sənayesində 187 nəfər çalışır ki, onlardan 40 nəfər qida məhsullarının istehsalında, 94 nəfər toxuculuq və tikiş sənayesində, 49 nəfər salafan paketlərin istehsalında, 4 nəfər isə poliqrafiya məhsullarının istehsalında çalışırlar, digər 387 nəfərdən 2 nəfər qaz-buxar sənayesində, 205 nəfər su istehsalı təchizatı çirkli suların və tullantıların təmizlənməsi sahəsində, 54 nəfəri qazın bölünməsi və paylanması sahəsində, 126 nəfəri elektrik enerjisinin istehsalı və paylanması sahəsində çalışır.

Hesabat dörü ərzində dövlət müəssisələrində orta aylıq əmək haqqı 432.8 manat, qeyri-dövlət müəssisələrində isə 243,6 manat təşkil edib. Sənaye sahəsində ümumi orta aylıq əməkhaqqı 398.5 manat olub.

Əsaslı tikinti - yanvar –avqust aylarında bütün maliyyə mənbələri hesabına əsas kapitala 16714.5 min manat investisiya qoyulub. Bu vəsaitin 15045.5 min manatı tikinti-quraşdırma işlərinin yerinə yetrilməsinə sərf olunub.

Dövlət proqramına uyğun olaraq Horadiz şəhər əhalisinin içməli suya olan təlabatını tam təmin etmək məqsədi ilə yeni layihə üzrə tikinti işləri başa çatdırılıb, hər bir mənzildə yeni su sayğacları quraşdırılıb.

Əhalinin öz vəsaiti hesabına orta hesabla 2122.3 min manat investisiya qoyuluşu olub ki, bununla kənd yerlərində 322,3 min manat dəyərində 1775,5 kv.m olan 17 yaşayış evi, 1580.0 min manat dəyərində iaşə və məişət obyektləri, 220.0 min manat dəyərində kənd təsərrüfatı yönümlü obyektlər tikilməkdədir. Bu da yeni iş yerlərinin açılması və əhalinin məşğulluğunun artması deməkdir.

İdarə rəisi bildirib ki, səkkiz ay ərzində rayonda 282 yeni iş yeri açılıb. Bunlardan 3-ü yeni müəssisələrdə, 53-ü mövcud müəssisələrdə, 226-sı isə fiziki şəxslər tərəfindən yaradılan müəssisələrdədir.

Hesabat dövründə rayonun tikinti sektorunda çalışan işçilərin orta sayı 225 nəfər olub, orta aylıq əmək haqqı 447.5 manat təşkil edib. Əvvəlki illə müqayisədə işçilərin orta siyahı sayı 60 nəfər azalıb. Orta aylıq əmək haqqı 83.6 manat və yaxud 23 faiz artıb.




Bölməyə aid digər xəbərlər
bütün xəbərlər
{sape_links}{sape_article}