“Facebook” üzünü gənclərə tutur
Tarix: 26-10-2021 09:36 | Bölmə: Cəmiyyət
“Facebook” üzünü gənclərə tutur

“Yaxın illərdə “Facebook” şirkəti öz işini yaşlı nəslə deyil, gənc auditoriyaya hesablamaqla yenidən quracaq”. Reyting.az xəbər verir ki, belə bir açıqlama ilə məşhur şirkətin milyarder sahibi Mark Sukerberq 2021-ci ilin üçüncü rübü üzrə maliyə hesabatı dərc olunandan sonra çıxış edib.

“Reuters”ə müsahibəsində “Facebook” komandasının ixtisas yönümünü dəyişməyə başladığını söyləyən Sukerberq bundan sonra, ilk növbədə, gənc insanların yolgöstərən ulduzuna çevrilməyi hədəflədiklərini deyib. “Bu proses aylarla deyil, illərlə davam edəcək”.

Milyardlarla izləyiciyə malik sosial şəbəkənin yöndəyişməsinə səbəb cari ilin üçüncü rübünün maliyyə göstəricilərinin proqnozlara rəğmən ürəkaçan olmamasıdır. Son üç ayda şirkətin gəliri ötən ilin müvafiq dövrü ilə müqayisədə gözlənilən 29,57 milyard dollar əvəzinə 29 milyard olub. Bir ay ərzində şəbəkədən fəal istifadəçi sayı gözlənilən 2,93 milyard nəfərin yerinə 2,91 nəfərə düşüb.

Dünən isə hesabat barədə “Associated Press” (AP), “Reuters”, “The Washington Post” və başqa nəşrlər məqalələr dərc etməyə başlayıb. Baş direktorun açıqlaması bu nüfuzlu qəzetlərin “Facebook”un daxili dosyesindən sənədlərin sızması məlumatını ictimailəşdirəndən sonra verilib. Məhz WSJ-nin tənqidi analizindən sonra “Facebook” “Instagram”ın uşaq versiyasını hazırlamaqdan imtina edib.

P.S. Nyu-Yorkda doğulmuş 37 yaşlı Mark Elliot Sukerberq Harvard Universitetinin məzunudur. Mühəndis-proqramçı, internet-texnologiyaları sahəsində biznesmen, milyarder, filantrop. “Forbes”in versiyasına görə, “Facebook”un sahibi dünyanın ən zəngin adamlarının siyahısında 3-cü yerdə qərar tutur. Onun şəxsi kapitalı 121,6 milyard dollardır. 2004-cü ildə, hələ universitetin sonuncu kursunda oxuyarkən tələbə yoldaşları Ediardo Saverin, Dastin Moskoviç və Kris Hyuzla bir yerdə hazırda dünyanın ən nəhəng sosial şəbəkəsi sayılan “Facebook”un təməlini qoyub. 2012-ci ildən çinli Çanla rəsmi nikahdadır, iki övladı var.




Bölməyə aid digər xəbərlər
bütün xəbərlər
{sape_links}{sape_article}