“Xocalı: tarixin qan yaddaşı” adlı rəsm sərgisi açılıb - Fotolar
Tarix: 26-02-2020 14:38 | Bölmə: Mədəniyyət
“Xocalı: tarixin qan yaddaşı” adlı rəsm sərgisi açılıb

Fevralın 25-də Heydər Əliyev Fondunun vitse-prezidenti Leyla Əliyevanın “Xocalıya ədalət” beynəlxalq maarifləndirmə kampaniyası çərçivəsində xocalıların kompakt məskunlaşdıqları Goranboy rayonunun Aşağı Ağcakənd qəsəbəsində Xocalı soyqırımının 28-ci ildönümünə həsr olunmuş “Xocalı: tarixin qan yaddaşı” adlı sərgi açılıb.

Xocalı Rayon İcra Hakimiyyətinin dəstəyi, “E-Media Group”un təşkilatçılığı ilə reallaşan tədbirdə Azərbaycanın peşəkar rəssamlarının 20-yə qədər əsəri nümayiş etdirilib.

Əvvəlcə Xocalı soyqırımı qurbanlarının xatirəsi bir dəqiqəlik sükutla yad edilib. Sonra “E-Media Group”un Xocalı faciəsi ilə bağlı hazırladığı sənədli film və “Məriz” ekran əsəri nümayiş etdirilib.

“E-Media Group” media təşkilatının sədr müavini Tural Nurməmmədov çıxış edərək Biləsuvar rayonundan start götürən sərginin Quba, Gəncə, Gürcüstün, Türkiyə və Xocalı rayonunda (kompakt yaşadıqları ərazidə) davam etdirildiyini bildirib.

Sonra Xocalı Rayon İcra Hakimiyyəti başçısının müavini, Yeni Azərbaycan Partiyasının Xocalı rayon təşkilatının sədri Vahid Əliyev çıxışında Xocalı soyqırımı zamanı ermənilərin törətdiyi vəhşiliklərdən, soyqırımın səbəbləri, nəticələri və beynəlxalaq aləmdə tanınması istiqamətində görülən işlərdən danışıb. O zamankı səriştəsiz hakimiyyət ucbatından Xocalı soyqırımının törədilməsinə şəraitin yarandığını deyib.

V. Əliyev qeyd edib ki, bütün dünyanın gözü qarşısında baş verən bu dəhşətli soyqırımın əsl mahiyyəti yalnız ümummilli lider Heydər Əliyev 1993-cü ildə siyasi hakimiyyətə yenidən qayıtdıqdan sonra açıqlanıb, 1994-cü ilin fevralında Azərbaycan Respublikasının Milli Məclisi Xocalı soyqırımına siyasi-hüquqi qiymət verib. Bundan əlavə, azərbaycanlılara qarşı zaman-zaman törədilmiş soyqırımı ilə əlaqədar ümummilli lider Heydər Əliyevin 1998-ci il martın 26-da imzaladığı fərmanla 31 Mart - Azərbaycanlıların Soyqırımı Günü elan edilib.

V. Əliyev Azərbaycan Prezidentinin həyata keçirdiyi məqsədyönlü siyasəti nəticəsində torpaqlarımızın işğaldan azad olunacağına, Xocalı qətliamının təşkilatçılarının layiqli cəzalarını alacaqlarına inamını vurğulayıb.

Xocalı soyqırımının canlı şahidi, "Azərbaycan Bayrağı" ordenli, "Əməkdar həkim" fəxri adına layiq görülmüş Məmməd Nağıyev çıxış edərək əsirlikdə başına gələn hadisələri ürək ağrısı və göz yaşları içində tədbir iştirakçılarının diqqətinə çatdırıb.

Sonda Orxan Əliyevin ssenari müəllifliyi ilə hazırlanmış "Qarabağ Azərbaycandır!" adlı tamaşa nümayiş etdirilib.

Tədbirin ikinci hissəsində "Xocalı: tarixin qan yaddaşı" adlı rəsm sərgisinə baxış olub.

“Xocalı: tarixin qan yaddaşı” adlı rəsm sərgisi açılıb
“Xocalı: tarixin qan yaddaşı” adlı rəsm sərgisi açılıb
“Xocalı: tarixin qan yaddaşı” adlı rəsm sərgisi açılıb
“Xocalı: tarixin qan yaddaşı” adlı rəsm sərgisi açılıb
“Xocalı: tarixin qan yaddaşı” adlı rəsm sərgisi açılıb
“Xocalı: tarixin qan yaddaşı” adlı rəsm sərgisi açılıb
“Xocalı: tarixin qan yaddaşı” adlı rəsm sərgisi açılıb
“Xocalı: tarixin qan yaddaşı” adlı rəsm sərgisi açılıb
“Xocalı: tarixin qan yaddaşı” adlı rəsm sərgisi açılıb
“Xocalı: tarixin qan yaddaşı” adlı rəsm sərgisi açılıb
“Xocalı: tarixin qan yaddaşı” adlı rəsm sərgisi açılıbскачать dle 10.5фильмы бесплатно




Bölməyə aid digər xəbərlər
27-03-2020, 12:46 Xalq artisti vəfat etdi

{sape_links}{sape_article}