18:21 / 28-03-2025
Ali Rada ABŞ-dan Ukraynaya təklif olunan sazişi rədd edə bilər
18:02 / 28-03-2025
İlham Əliyev Azərbaycan xalqını təbrik edib
16:59 / 28-03-2025
Gimnastlarımız finala vəsiqə qazanıb
16:37 / 28-03-2025
İmişlidə zəlzələ olub
16:21 / 28-03-2025
Zəlzələ 30 mərtəbəli evi dağıdıb - Video
13:11 / 28-03-2025
Ramazan bayramında namaz vaxtı açıqlanıb
12:24 / 28-03-2025
Yevlaxda ağır qəza: xəsarət alanların sayı artıb - (Yenilənib)
12:02 / 28-03-2025
Sabah yağış yağacaq
11:43 / 28-03-2025
Myanma beşik kimi yellənib - 7,7 bal gücündə zəlzələ (Foto)
11:05 / 28-03-2025
Sakinin evini başına uçuran tikinti şirkətinin rəhbəri saxlanılıb
00:34 / 28-03-2025
İran Trampın məktubuna cavab verib
22:59 / 27-03-2025
Ramazanın 28-ci günü:İmsak və iftar vaxtı
20:24 / 27-03-2025
Beşmərtəbəli villanı “gecəqondu” adı ilə sökmək istəyirlər
18:50 / 27-03-2025
Ad günü - Hekayə
18:21 / 27-03-2025
Yasamalda ağacları doğrayan şirkət 117 min manat cərimələnib
16:38 / 27-03-2025
Növbəti iki gündə güclü külək əsəcək - Xəbərdarlıq
16:12 / 27-03-2025
İlham Əliyev və Mehriban Əliyeva Şuşada bir sıra açılışlarda iştirak ediblər - Fotolar
16:01 / 27-03-2025
İcra başçısı bacısı oğlu ilə birlikdə xoruz döyüşdürüb - Fotolar
15:52 / 27-03-2025
Vətəndaşların evini dağıdan tikinti şirkətinin işçiləri saxlanılıb
15:42 / 27-03-2025
Cüt bacıların söhbəti - Akif Əli yazır
14:54 / 27-03-2025
İsrail israr edir: Türkiyədənsə, Suriyada Rusiya bazaları qalsın
14:31 / 27-03-2025
İlham Əliyev: Ağdam ölkəmizin ən gözəl şəhərlərindən birinə çevriləcək
14:22 / 27-03-2025
İrəvan yenidən Rusiyaya meyllənir
13:35 / 27-03-2025
Prezident və birinci xanım Qarabağa səfər ediblər - (Yenilənib) - Foto
12:59 / 27-03-2025
Saturnun halqaları yoxa çıxır
12:47 / 27-03-2025
Rus ordusu AES-dəki yanacaq çənini zədələyib - Foto
12:28 / 27-03-2025
Nazir: Rusiyaya qarşı sanksiyaların ləğvi Putinin hərəkətlərindən asılıdır
12:12 / 27-03-2025
Daha bir QHT rəhbəri Baş Prokurorluğa çağırılıb
10:15 / 27-03-2025
Tramp: “Qrenlandiya bizim olmalıdır"
21:35 / 24-03-2025
Ər-Riyad görüşü: Rusiya-ABŞ danışıqları başa çatıb - (Yenilənib)
20:00 / 23-03-2025
İdmançımız Almaniyada qızıl medal qazanıb
14:18 / 25-03-2025
Ərdoğanın müxalifətlə qarşıdurmasına səbəb nədir?
13:54 / 25-03-2025
ABŞ İrana 4 trilyon dollarlıq paket təklif edə bilər
14:21 / 24-03-2025
Vəzifəli şəxs istintaqa cəlb edilib - Foto
11:19 / 24-03-2025
Professor: Həmin media qurumları bizim fikirlərimizə yer vermirdilər
19:24 / 25-03-2025
Ayxan Hacızadə: "Mirzoyanın iddiaları tamamilə əsassızdır”
23:51 / 25-03-2025
Azərbaycan millisi Belarusa məğlub olub
13:07 / 26-03-2025
Rusiya və Ukrayna arasında razılıq əldə olunub
16:40 / 25-03-2025
Mavi qızıla tələbat artır
11:54 / 24-03-2025
Dünya Kuboku: gimnastlarımız qızıl medal qazanıb
19:03 / 26-03-2025
Xəstəxana direktoru vəzifədən azad edilib
Köynək - Akif Abbasov yazır
Tarix: 11-12-2023 12:21 | Bölmə: Akif ABBASOV
Akif ABBASOV
(hekayə)
Qayınanası yenə də Mehdigilə gəlmiş, ağzının danışığını bilməmiş, Mehdi də hirslənib onun ağzının üstündən vurmuşdu. Qayınana da deyinə-deyinə, artıq-əskik deyə-deyə çıxıb getmişdi evinə-eşiyinə. Düzələnə oxşamırdı bu arvad. Qaşınmayan yerdən qan çıxarmağı xoşlayırdı. Çox vaxt da haqsız olurdu, amma əlinin dalını yerə qoymazdı heç vaxt. Maksalanmağı bacarırdı. Baxan deyərdi ki, bundan fağır arvad yoxdur. Mehdinin də, qohumlarının da yanında özünü sakit, mülayim aparırdı, amma saman altından su yeridirdi. Mehdini haldan çıxaran bu idi:
- Ay arvad, 20 ildir qızını köçürmüsən, 20 ildir ailəmizin işlərinə burnunu soxursan. Nə zaman “bəsdir” deyəcəksən? Qızının da yerini pis edirsən. Heç olmasa onu fikirləş. Danlaq obyekti olub.
Arvadın gözləri hədəqəsindən çıxdı:
- Nə olub qızıma?
- Qızına heç nə olmayıb. Nə qədər mənim evimdədir, heç nə də olmayacaq. İstəyir sən fironluq elə, istəyirsən eləmə. O mənim uşaqlarının anasıdır. Rəna sənin fitvana gedib, üzünü-gözünü danladır. Sənin cavabını verirəm, səni başa salıram, qızın bir həftə burnunu sallayır. Onu başdan elə çıxarmısan ki, ağlının azlığından elə bil sən düz deyirsən.
Bir neçə gün idi ki, Mehdinin baş-qulağı dinc idi. Amma inanmırdı ki, qayınana telefonla danışıb, onun dalınca asıb-kəsməsin. “Əşi, cəhənnəmə. Onun şakəridir. Yaşı yetmişi ötüb. Bundan sonra onsuz da düzələn deyil”.
Avqust ayı gəlha gəldə idi. Sevinc universitetdən çıxanda mağazaya dəyib atası üçün ürəyi istəyən bir köynək aldı. Yüz faiz pambıq idi. Köynəyi gətirib anasına göstərsə də, hələlik atasına bildirmədi, gizlətdi.
Bir həftə sonra atasının ad günü idi. Onu təbrik etmək, sevindirmək istəyirdi.
Həftə ötdü. Səhər tezdən idi. Hamı ayaq üstəydi. Ev sahibəsi Rəna səhər yeməyi hazırlayır, Mehdi hamam otağında üzünü qırxır, Hikmət kitablarını çantasına yığır, Sevinc də saçlarını darayırdı. Atasının stol arxasına keçmək istədiyini görən Sevinc özünü onun üstünə atdı, onu qucaqlayıb öpməyə başladı:
- Ata, atacan, sənin ad günün mübarək! Təbrik edirəm!
Mehdi fərəhindən qol-qanad açdı:
- Sağ ol, mənim balam, sevincim, həyatım Sevinc!
Rənanın dodağı yerlə gedirdi. O da üzünü ərinə tutub candərdi:
- Ad günün mübarək, - dedi.
Hikmət də irəli yeriyib atasını qucaqladı:
- Təbrik edirəm, ata!
Sonra əlindəki bükülünü atasına uzatdı. Sevinc qonşu otağa qaçıb öz hədiyyəsini gətirdi. O, sevincindən quş kimi qanad açaraq, dodaqlarında təbəssüm, sifəti də dan yerinin qızartısını andıran bir işıqla, nurla atasına sarı gəldi:
- Ata, gördüm, xoşuma gəldi, aldım. Sənə yaraşan hədiyyədir.
Mehdi əyləşib övladlarının hədiyyələrinə baxdı. Hikmət ətir almışdı. O, məktəbdə nə isə alıb yemək üçün ona verilən puldan qənaət edib, hədiyyə almış, atasını sevindirmək istəmişdi. Mehdi əlinə, sifətinə ətir vurub:
- Bəh, bəh, gör nə gözəl ətirdir. Çox xoşuma gəldi. Sağ ol, oğlum!
Mehdi əlini uzadıb Hikməti özünə sarı çəkdi və üzündən öpdü.
- İndi baxaq görək Sevinc qızım atasını nə ilə təbrik edib. Mehdi Sevincin ona verdiyi bükülünü tələsmədən açmaqda idi. Sevinc maraq dolu baxışlarını ona zilləmişdi: “Görəsən atamın xoşuna gələcək?”
Mehdi köynəyin qatlarını açırdı. Hikmətlə Sevincin gözləri ona dikilmişdi. Mehdi:
- Ah, nə gözəl...
“Köynəkdir” deyib sözlərini tamamlaya bilmədi. Əl saxladı. Sevinc pərt oldu. Hikmət də boynunu uzadıb təəccüblə içini çəkdi. Evin xanımı - Rəna mətbəxə keçmişdi.
Köynəyin çiyin tərəfində, arxa hissəsində çox da böyük olmayan sökük vardı. Sevincin gözləri doldu:
- Ata, məni bağışla, belə olmağını istəməzdim. Bu köynəyi elə böyük həvəslə, həm də ürəkdən almışam ki... Heç təsəvvürünə gətirə bilməzsən. Heç yaxşı olmadı. Aparıb dəyişərəm.
- Mehdi qızını qucaqlayıb alnından öpdü, onu sakitləşdirməyə çalışdı:
- Qızım, hər şey qaydasındadır. Qətiyyən narahat olma. Əsas məsələ odur ki, sən atana diqqətli olmusan. Bu mənə bəsdir.
Sevinc:
- Ata, bu əhvalatı ömrüm boyu unutmaram.
Mehdi qızının saçlarını tumarladı:
- Ürəyinə salma, qızım. Dedim axı hər şey qaydasındadır.
- Ata, köynəyi alanda axı onun cırığı, söküyü yox idi. Özü də onu firma mağazadan almışam.
Mehdi qızının alnından öpüb:
- Canın sağ olsun, ay qızım, - dedi. - Kefini pozma. Belə şeylərə görə adam qanını qaraltmaz. Təki qəlb sınıqlığı olmasın. Hazırlaşın, axşam sizi “Qızıl balıq” restoranına aparacağam. Ad günümü orada qeyd edərik.
- Doğrudan?
- Əlbəttə, qızım. Gedib özümüzçün istirahət edərik.
Mehdi bir anlığa fikrə getdi. “Heç ağlıma gəlməyib”, - deyə öz-özünə fikirləşdi, sonra üzünü övladlarına tutdu:
- Nənən bu həftə bizə gəlib?
Sevinc başını tərpətdi və o da həqiqəti anladı.
Bölməyə aid digər xəbərlər
Tarix: 11-12-2023 12:21 | Bölmə: Akif ABBASOV
Akif ABBASOV
(hekayə)
Qayınanası yenə də Mehdigilə gəlmiş, ağzının danışığını bilməmiş, Mehdi də hirslənib onun ağzının üstündən vurmuşdu. Qayınana da deyinə-deyinə, artıq-əskik deyə-deyə çıxıb getmişdi evinə-eşiyinə. Düzələnə oxşamırdı bu arvad. Qaşınmayan yerdən qan çıxarmağı xoşlayırdı. Çox vaxt da haqsız olurdu, amma əlinin dalını yerə qoymazdı heç vaxt. Maksalanmağı bacarırdı. Baxan deyərdi ki, bundan fağır arvad yoxdur. Mehdinin də, qohumlarının da yanında özünü sakit, mülayim aparırdı, amma saman altından su yeridirdi. Mehdini haldan çıxaran bu idi:
- Ay arvad, 20 ildir qızını köçürmüsən, 20 ildir ailəmizin işlərinə burnunu soxursan. Nə zaman “bəsdir” deyəcəksən? Qızının da yerini pis edirsən. Heç olmasa onu fikirləş. Danlaq obyekti olub.
Arvadın gözləri hədəqəsindən çıxdı:
- Nə olub qızıma?
- Qızına heç nə olmayıb. Nə qədər mənim evimdədir, heç nə də olmayacaq. İstəyir sən fironluq elə, istəyirsən eləmə. O mənim uşaqlarının anasıdır. Rəna sənin fitvana gedib, üzünü-gözünü danladır. Sənin cavabını verirəm, səni başa salıram, qızın bir həftə burnunu sallayır. Onu başdan elə çıxarmısan ki, ağlının azlığından elə bil sən düz deyirsən.
Bir neçə gün idi ki, Mehdinin baş-qulağı dinc idi. Amma inanmırdı ki, qayınana telefonla danışıb, onun dalınca asıb-kəsməsin. “Əşi, cəhənnəmə. Onun şakəridir. Yaşı yetmişi ötüb. Bundan sonra onsuz da düzələn deyil”.
Avqust ayı gəlha gəldə idi. Sevinc universitetdən çıxanda mağazaya dəyib atası üçün ürəyi istəyən bir köynək aldı. Yüz faiz pambıq idi. Köynəyi gətirib anasına göstərsə də, hələlik atasına bildirmədi, gizlətdi.
Bir həftə sonra atasının ad günü idi. Onu təbrik etmək, sevindirmək istəyirdi.
Həftə ötdü. Səhər tezdən idi. Hamı ayaq üstəydi. Ev sahibəsi Rəna səhər yeməyi hazırlayır, Mehdi hamam otağında üzünü qırxır, Hikmət kitablarını çantasına yığır, Sevinc də saçlarını darayırdı. Atasının stol arxasına keçmək istədiyini görən Sevinc özünü onun üstünə atdı, onu qucaqlayıb öpməyə başladı:
- Ata, atacan, sənin ad günün mübarək! Təbrik edirəm!
Mehdi fərəhindən qol-qanad açdı:
- Sağ ol, mənim balam, sevincim, həyatım Sevinc!
Rənanın dodağı yerlə gedirdi. O da üzünü ərinə tutub candərdi:
- Ad günün mübarək, - dedi.
Hikmət də irəli yeriyib atasını qucaqladı:
- Təbrik edirəm, ata!
Sonra əlindəki bükülünü atasına uzatdı. Sevinc qonşu otağa qaçıb öz hədiyyəsini gətirdi. O, sevincindən quş kimi qanad açaraq, dodaqlarında təbəssüm, sifəti də dan yerinin qızartısını andıran bir işıqla, nurla atasına sarı gəldi:
- Ata, gördüm, xoşuma gəldi, aldım. Sənə yaraşan hədiyyədir.
Mehdi əyləşib övladlarının hədiyyələrinə baxdı. Hikmət ətir almışdı. O, məktəbdə nə isə alıb yemək üçün ona verilən puldan qənaət edib, hədiyyə almış, atasını sevindirmək istəmişdi. Mehdi əlinə, sifətinə ətir vurub:
- Bəh, bəh, gör nə gözəl ətirdir. Çox xoşuma gəldi. Sağ ol, oğlum!
Mehdi əlini uzadıb Hikməti özünə sarı çəkdi və üzündən öpdü.
- İndi baxaq görək Sevinc qızım atasını nə ilə təbrik edib. Mehdi Sevincin ona verdiyi bükülünü tələsmədən açmaqda idi. Sevinc maraq dolu baxışlarını ona zilləmişdi: “Görəsən atamın xoşuna gələcək?”
Mehdi köynəyin qatlarını açırdı. Hikmətlə Sevincin gözləri ona dikilmişdi. Mehdi:
- Ah, nə gözəl...
“Köynəkdir” deyib sözlərini tamamlaya bilmədi. Əl saxladı. Sevinc pərt oldu. Hikmət də boynunu uzadıb təəccüblə içini çəkdi. Evin xanımı - Rəna mətbəxə keçmişdi.
Köynəyin çiyin tərəfində, arxa hissəsində çox da böyük olmayan sökük vardı. Sevincin gözləri doldu:
- Ata, məni bağışla, belə olmağını istəməzdim. Bu köynəyi elə böyük həvəslə, həm də ürəkdən almışam ki... Heç təsəvvürünə gətirə bilməzsən. Heç yaxşı olmadı. Aparıb dəyişərəm.
- Mehdi qızını qucaqlayıb alnından öpdü, onu sakitləşdirməyə çalışdı:
- Qızım, hər şey qaydasındadır. Qətiyyən narahat olma. Əsas məsələ odur ki, sən atana diqqətli olmusan. Bu mənə bəsdir.
Sevinc:
- Ata, bu əhvalatı ömrüm boyu unutmaram.
Mehdi qızının saçlarını tumarladı:
- Ürəyinə salma, qızım. Dedim axı hər şey qaydasındadır.
- Ata, köynəyi alanda axı onun cırığı, söküyü yox idi. Özü də onu firma mağazadan almışam.
Mehdi qızının alnından öpüb:
- Canın sağ olsun, ay qızım, - dedi. - Kefini pozma. Belə şeylərə görə adam qanını qaraltmaz. Təki qəlb sınıqlığı olmasın. Hazırlaşın, axşam sizi “Qızıl balıq” restoranına aparacağam. Ad günümü orada qeyd edərik.
- Doğrudan?
- Əlbəttə, qızım. Gedib özümüzçün istirahət edərik.
Mehdi bir anlığa fikrə getdi. “Heç ağlıma gəlməyib”, - deyə öz-özünə fikirləşdi, sonra üzünü övladlarına tutdu:
- Nənən bu həftə bizə gəlib?
Sevinc başını tərpətdi və o da həqiqəti anladı.
Müəllifin bütün yazıları - Akif ABBASOV
Bölməyə aid digər xəbərlər
19-03-2025, 11:04
Akif ABBASOV - Ədəbiyyatımıza yeni ruh gətirmiş Zəlimxan Yaqub - Akif Abbasov yazır
Qüdrət Həsənquliyevin fikrincə, Tramp görsə ki, Ukrayna qalib gəlir, Rusiyaya təkcə siyasi yox, hərbi dəstək də verəcək
"Xalq qəzeti"nin şöbə müdiri deyir ki, ömrü boyu özünü axtaran, dəfələrlə yanından ötüb keçən o qədər insan var ki
Nadir Azməmmədov: “Təəssüf ki, indi rejissor olmaq, kino və serial çəkmək adiləşib, bəzən bunun məsuliyyətini dərk etmirlər”
Türkiyədə yaşayan Əməkdar artist deyir ki, siyasilərin illərlə həllinə çalışdığı hansısa bir məsələni bəzən uğurlu bir musiqi əsəri həll edə bilər
Qüdrət Həsənquliyev: “Düşmənçiliyə son qoymaq üçün ədalətli sülhə nail olmaq gərəkdir. Bunun üçün ya tərəflər 1991-ci ilin sərhədləri çərçivəsində bir-birinin ərazi bütövlüyünü tanıyır, ya da ərazi mübadiləsinə gedirlər. Amma indiki mərhələdə bu, az inandırıcı görünür”
