23:52 / 09-07-2025
10 israilli girov azad olunacaq
22:19 / 09-07-2025
Dağıstanda 270-dən çox adam sudan zəhərlənib
20:50 / 09-07-2025
Gələcəyin yol xəritəsi - Sadiq Qurbanov yazır
19:19 / 09-07-2025
Sabah bəzi bölgələrə dolu düşəcək - Xəbərdarlıq
18:52 / 09-07-2025
Etiraz aksiyalarına reaksiya sərt olub
18:48 / 09-07-2025
Pərviz Şahbazov: "OPEC-lə əməkdaşlığa dair müzakirələr apardıq"
18:39 / 09-07-2025
Putin Rusiyaya bir milyon hindistanlı gətirəcək
18:30 / 09-07-2025
İsrailə silah daşıyan gəminin qarşısı kəsiləcək
18:23 / 09-07-2025
Kreml Trampın Moskvanı bombalamaq hədəsinə münasibət bildirib
18:05 / 09-07-2025
Prezident İlham Əliyev BƏƏ-də: yeni saziş imzalanıb - (Yenilənib) - Fotolar
18:03 / 09-07-2025
Şikayətçi: “Gecə arvadımın meyitini mənə verdilər”
17:50 / 09-07-2025
Sabiq məhkəmə hakimi kassasiya şikayəti verib
17:42 / 09-07-2025
Daha 24 maşın hərraca çıxarılıb
17:36 / 09-07-2025
Daşınmaz abidələrin pasportlaşdırılması qaydaları təsdiqlənib
17:36 / 09-07-2025
Özünü təyyarənin mühərrikinə atan şəxs ölüb
17:29 / 09-07-2025
Ermənistanda Rusiya əleyhinə etiraz aksiyası keçirilib
17:23 / 09-07-2025
Qaradağda səkiyə çıxan maşın iki nəfəri vurub - Ölən var
17:21 / 09-07-2025
Kremlin planı Rusiyanı xilas edə bilməyəcək
17:18 / 09-07-2025
Səbayıl Bağırovla müqaviləyə xitam verilib
17:10 / 09-07-2025
Tələbələrin köçürülməsinə başlanılır
16:41 / 09-07-2025
Hindistanda körpü çöküb, maşınlar suya düşüb
16:06 / 09-07-2025
Sabiq rəis və sektor müdiri hakim qarşısına çıxarılıblar
15:49 / 09-07-2025
Professor: Azərbaycanla bağlı reallığı Rusiyada da yaxşı dərk edirlər
15:29 / 09-07-2025
Mərkəzi Bank: "Manatın ucuzlaşması uzunmüddətli deyil"
15:02 / 09-07-2025
“Gəncə” klubu argentinalı mütəxəssislə anlaşıb
14:27 / 09-07-2025
Azərbaycan-Ermənistan sərhədində təxribatlar ola bilər - Ekspert
13:59 / 09-07-2025
Rusiya 728 dronla hücuma keçib
13:54 / 09-07-2025
Azərbaycan vətəndaşı Gürcüstandan deportasiya edilib
12:16 / 08-07-2025
Azad edilmiş ərazilərə səfər üçün icazənin müddəti artırılıb
15:10 / 07-07-2025
Əl əli yudu, əl də qayıtdı... - Etibar Cəbrayıloğlu yazır
20:15 / 06-07-2025
Portuqaliyalı futbolçu “Şamaxı”da oynayacaq
09:26 / 05-07-2025
Aşura günü ilə bağlı qanvermə aksiyası başlayıb
13:32 / 06-07-2025
Ali məktəblərə qəbul imtahanı keçirilib - (Yenilənib)
10:35 / 05-07-2025
Türkiyəyə güclü qar yağıb
09:47 / 06-07-2025
Azərbaycan ilə Ermənistan arasında sülh sazişinə mane olan səbəblər açıqlanıb - Foto
11:01 / 07-07-2025
Paşinyanın əleyhdarları ona yumruq silkələyir
17:43 / 07-07-2025
Türkiyə hərbi büdcəni böyüdür
12:19 / 05-07-2025
“AzerGold”-un qiymətli metal satışından gəlirləri artıb
22:09 / 06-07-2025
XİN Xankəndi Kommunikesi barədə məlumat yayıb
18:33 / 07-07-2025
Bu il sülh sazişi imzalana bilər
Yandım-yaxıldım... - Akif Abbasov yazır
Tarix: 02-03-2024 18:56 | Bölmə: Akif ABBASOV
Akif ABBASOV
(Hekayə)
Qurbanəli həşirdə idi. Oğlu Küt Beyinov orta təhsilini başa vurmuşdu. Ali məktəbə daxil olmalı idi. Küt özü istəməsə də, bu Qurbanəlinin arzusu idi.
Qonşular, qohumlar bəhsə girmişdilər. Övladları gərək institutda, universitetdə oxuya, ali təhsil diplomu alalar. Məktəblərdən də tələb olunurdu: neçə nəfər məzun ali məktəbə girib? Bu, bir növ məktəblər üçün əsas göstəriciyə çevrilmişdi. Məzunların universitet və institutlara az sayda qəbul olunması səbəbindən məktəb direktorlarının üzləri danlanırdı.
Qurbanəli rayonda hörmət-izzət sahibi idi. İmkanı da yetərincəydi. Övladı ali məktəbə qəbul oluna bilməsəydi, ona nə deyərdilər? Kütün soy adı Qafarzadə idi, amma savaddan kasad olduğundan yoldaşları ona Küt Beyinov deyirdilər.
Kütün özünə qalsaydı, heç 50 bal da toplaya bilməzdi. Qurbanəli çox düşündü, çox daşındı. Bakıda bir qohumu vardı. Maşına oturub onlara yollandı.
Mehman müəllim ali məktəblərdən birinin dosenti idi. Onun Qurbanəli ilə söhbəti tutmadı. Mehman müəllim daş atıb başını tutdu:
- Əvvəlki illərə baxma. İndi qəbulu Tələbə Qəbulu Komissiyası keçirir. Nəinki mən, bir qeyrisinin də bu işə qarışması qeyri-mümkündür.
Sonra Mehman müəllim əlavə etdi:
- Birdən kimsə bu işi boynuna götürsə, bil ki, yalan deyir, inanma.
Qurbanəli ayağa qalxdı. Qohumundan incimişdi. Məgər indi düzəlməyən iş var? Puluna minnət.
Mehman müəllim onun xətrinə elə dəymişdi ki, hətta Gülbacı xanımın gətirib qarşısına qoyduğu çayı da içməyib getdi.
Qurbanəli gümanı gələn bütün adamlara baş çəkdi. Bakıdan əli boş qayıtmayacaqdı ki...
Nəhayət, birisi bu işə boyun oldu. Nəcəfqulu idi. Sövdələşdilər. Qurbanəli rayona qayıtdı. Döşünə döy-döyə “Uşağın işini yoluna qoydum”, - deyib evdəkiləri arxayın saldı.
Günlər keçdi. Küt Beyinov imtahanda iştirak edib geri qayıtdı. Qurbanəli oğlunu sorğu-suala tutdu. Məlum oldu ki, o, suallara necə gəldi cavab yazıb. Qurbanəli həm özünü, həm Küt Beyinovu, həm də arvad-uşağı sakitləşdirdi:
- Danışmışan, axırı yaxşı olmalıdır. Toxtayın. Bu işə qol qoyan var. Bir ətək pul vermişəm.
Xansənəm ərinə:
- İnşallah, - dedi.
Nəhayət, imtahanın nəticəsi məlum oldu. Küt Beyinov ali məktəbə qəbul olunmamışdı.
Xəbəri eşidən Qurbanəlinin başına elə bil bir qazan qaynar su tökdülər. Onun arzusu gözündə qalmışdı. Alışıb yandı:
- Əclafı görürsən?! Mənə “atdı”. Mehman müəllim haqlı imiş. Ona qulaq asmadım, hətta incidim də.
Nəcəfqulu telefon zənglərinə cavab vermirdi. Bir gün, beş gün, bir ay belə keçdi. Qurbanəli idarənin işləri ilə bağlı tez-tez Bakıya gedir, nazirlikdə, baş idarədə olurdu. Bakıda ikən gözləri dörd olur, ətrafı diqqətlə nəzərdən keçirirdi ki, bəlkə Nəcəfqulu qarşısına çıxa. Bir dəfə tale üzünə güldü. Maşında Səməd Vurğun küçəsi ilə gedərkən gördü nə? Nəcəfqulu sallana-sallana gedir. Tez maşını saxlatdırıb Nəcəfqulunu boğazladı.
Nəcəfqulu and-aman elədi:
- Vallah, məni də aldadıblar. Pulu vermişəm, amma onun dalından keçiblər, qaytarmırlar. Necə olsa, nə təhər olsa, fərqi yoxdur sənin pulunu qaytaracağam. O adamdan ala biməsəm, özüm qaytaracağam. Kişi deyilik? Verdiyim sözə əməl edəcəyəm. Yoxsa namərdlik olar?
Onun sözlərinə inanmayan Qurbanəli:
- Yaxşı, tutaq ki, sən düz deyirsən. Bəs telefon zənglərini niyə cavabsız qoyurdun?
Nəcəfqulu:
- Xəcalətimdən, - dedi. - Narahat olma. Pulun qəpiyinə kimi qaytarılacaq. Alınmadı, bağışla.
Qurbanəli:
- Nə qədər çəkər bu pulun qaytarılması? - deyə soruşdu.
Nəcəfqulu dedi:
- Bir az vaxt ver. Mən sənə borclu. Yəni borc alan.
Nəcəfqulu fikrə getdi. Nə isə düşünüb bildirdi:
- Lap istəyirsən borc məsələsini rəsmiləşdirək. Arxayınçılıq olsun. Pulunu verməsən, həmin sənədi apar ver məhkəməyə, məni tutub damlasınlar.
Qurbanəli bir söz demədi, amma əldən çıxan pulunun borcvermə şəklində rəsmiləşdiriləcəyi onun xoşuna gəlmişdi.
Onu inandırdığını görən Nəcəfqulu:
- Şəxsiyyət vəsiqən yanındadır? - deyə xəbər aldı.
- Yanımdadır.
Nəcəfqulu:
- Mənə 300 manat ver, gedək “ASAN Xidmət”ə. Səndən borc aldığımı notarial kontorunda təsdiqlətdirək.
Qurbanəli şəxsiyyət vəsiqəsini və 300 manatI çıxarıb Nəcəfquluya uzatdı. Amma soruşmadı ki, bu 300 manat nəyə lazımdır.
Nəcəfqulu pulu alıb:
- Şəxsiyyət vəsiqəsi özündə qalsın. Notarial kontorunun müdiri istəyəndə özün ona verərsən.
Onlar “ASAN Xidmət”in binasına daxil oldular. Nəcəfqulu:
- İkinci mərtəbəyə qalxacağıq.
Pilləkənlə ikinci mərtəbəyə qalxmağa başladılar. “ASAN Xidmət”də qələbəlik idi. Pilləkənlə çıxıb-düşən də, salonda da adam çox idi. Növbə tutmuşdular. Qurbanəli əlində növbə kağızı notarial şöbənin qarşısına çatdı. Yan-yörəsinə baxdı. Nəcəfqulu gözə dəymirdi. Qurbanəli narahat oldu. Boş oturacaqlardan birində əyləşdi. Gözlə ha, gözlə. Nəcəfqulu nə gəzirdi?! Başa düşdü ki, bu dəfə də aldanıb. Növbəsi çatdı. Amma yerindən tərpənmədi. Yaxınlaşıb nə deyəcəkdi? Bir az da gözlədi.
Məlumat bürosunda bir neçə dəfə səsləndi:
- 51-ci nömrə yaxınlaşsın.
Qurbanəli dinmədi. Çağırırdılar:
- 52-ci, sonra 53-cü, daha sonra 54-cü... nömrə.
Qurbanəli suyu süzülə-süzülə “ASAN Xidmət”i tərk etdi.
...Küt Beyinovu əsgər aparmışdılar.
Qurbanəli başına gələnləri Mehman müəllimə danışıb ondan üzr istədi:
- Səndən incimişdim. Nahaq yerə. Sənə qulaq asmadığımdan birisinin toruna düşdüm. Bir ətək pulum batmışdı. İkinci dəfə aldanmağım onun yanında muştuluqçu oldu. O bir ətək puldan daha çox mənə notarial kontoru adı ilə alınan 300 manat təsir etdi. İnan ki, alışıb yandım, yandım-yaxıldım.
Bölməyə aid digər xəbərlər
Tarix: 02-03-2024 18:56 | Bölmə: Akif ABBASOV
Akif ABBASOV
(Hekayə)
Qurbanəli həşirdə idi. Oğlu Küt Beyinov orta təhsilini başa vurmuşdu. Ali məktəbə daxil olmalı idi. Küt özü istəməsə də, bu Qurbanəlinin arzusu idi.
Qonşular, qohumlar bəhsə girmişdilər. Övladları gərək institutda, universitetdə oxuya, ali təhsil diplomu alalar. Məktəblərdən də tələb olunurdu: neçə nəfər məzun ali məktəbə girib? Bu, bir növ məktəblər üçün əsas göstəriciyə çevrilmişdi. Məzunların universitet və institutlara az sayda qəbul olunması səbəbindən məktəb direktorlarının üzləri danlanırdı.
Qurbanəli rayonda hörmət-izzət sahibi idi. İmkanı da yetərincəydi. Övladı ali məktəbə qəbul oluna bilməsəydi, ona nə deyərdilər? Kütün soy adı Qafarzadə idi, amma savaddan kasad olduğundan yoldaşları ona Küt Beyinov deyirdilər.
Kütün özünə qalsaydı, heç 50 bal da toplaya bilməzdi. Qurbanəli çox düşündü, çox daşındı. Bakıda bir qohumu vardı. Maşına oturub onlara yollandı.
Mehman müəllim ali məktəblərdən birinin dosenti idi. Onun Qurbanəli ilə söhbəti tutmadı. Mehman müəllim daş atıb başını tutdu:
- Əvvəlki illərə baxma. İndi qəbulu Tələbə Qəbulu Komissiyası keçirir. Nəinki mən, bir qeyrisinin də bu işə qarışması qeyri-mümkündür.
Sonra Mehman müəllim əlavə etdi:
- Birdən kimsə bu işi boynuna götürsə, bil ki, yalan deyir, inanma.
Qurbanəli ayağa qalxdı. Qohumundan incimişdi. Məgər indi düzəlməyən iş var? Puluna minnət.
Mehman müəllim onun xətrinə elə dəymişdi ki, hətta Gülbacı xanımın gətirib qarşısına qoyduğu çayı da içməyib getdi.
Qurbanəli gümanı gələn bütün adamlara baş çəkdi. Bakıdan əli boş qayıtmayacaqdı ki...
Nəhayət, birisi bu işə boyun oldu. Nəcəfqulu idi. Sövdələşdilər. Qurbanəli rayona qayıtdı. Döşünə döy-döyə “Uşağın işini yoluna qoydum”, - deyib evdəkiləri arxayın saldı.
Günlər keçdi. Küt Beyinov imtahanda iştirak edib geri qayıtdı. Qurbanəli oğlunu sorğu-suala tutdu. Məlum oldu ki, o, suallara necə gəldi cavab yazıb. Qurbanəli həm özünü, həm Küt Beyinovu, həm də arvad-uşağı sakitləşdirdi:
- Danışmışan, axırı yaxşı olmalıdır. Toxtayın. Bu işə qol qoyan var. Bir ətək pul vermişəm.
Xansənəm ərinə:
- İnşallah, - dedi.
Nəhayət, imtahanın nəticəsi məlum oldu. Küt Beyinov ali məktəbə qəbul olunmamışdı.
Xəbəri eşidən Qurbanəlinin başına elə bil bir qazan qaynar su tökdülər. Onun arzusu gözündə qalmışdı. Alışıb yandı:
- Əclafı görürsən?! Mənə “atdı”. Mehman müəllim haqlı imiş. Ona qulaq asmadım, hətta incidim də.
Nəcəfqulu telefon zənglərinə cavab vermirdi. Bir gün, beş gün, bir ay belə keçdi. Qurbanəli idarənin işləri ilə bağlı tez-tez Bakıya gedir, nazirlikdə, baş idarədə olurdu. Bakıda ikən gözləri dörd olur, ətrafı diqqətlə nəzərdən keçirirdi ki, bəlkə Nəcəfqulu qarşısına çıxa. Bir dəfə tale üzünə güldü. Maşında Səməd Vurğun küçəsi ilə gedərkən gördü nə? Nəcəfqulu sallana-sallana gedir. Tez maşını saxlatdırıb Nəcəfqulunu boğazladı.
Nəcəfqulu and-aman elədi:
- Vallah, məni də aldadıblar. Pulu vermişəm, amma onun dalından keçiblər, qaytarmırlar. Necə olsa, nə təhər olsa, fərqi yoxdur sənin pulunu qaytaracağam. O adamdan ala biməsəm, özüm qaytaracağam. Kişi deyilik? Verdiyim sözə əməl edəcəyəm. Yoxsa namərdlik olar?
Onun sözlərinə inanmayan Qurbanəli:
- Yaxşı, tutaq ki, sən düz deyirsən. Bəs telefon zənglərini niyə cavabsız qoyurdun?
Nəcəfqulu:
- Xəcalətimdən, - dedi. - Narahat olma. Pulun qəpiyinə kimi qaytarılacaq. Alınmadı, bağışla.
Qurbanəli:
- Nə qədər çəkər bu pulun qaytarılması? - deyə soruşdu.
Nəcəfqulu dedi:
- Bir az vaxt ver. Mən sənə borclu. Yəni borc alan.
Nəcəfqulu fikrə getdi. Nə isə düşünüb bildirdi:
- Lap istəyirsən borc məsələsini rəsmiləşdirək. Arxayınçılıq olsun. Pulunu verməsən, həmin sənədi apar ver məhkəməyə, məni tutub damlasınlar.
Qurbanəli bir söz demədi, amma əldən çıxan pulunun borcvermə şəklində rəsmiləşdiriləcəyi onun xoşuna gəlmişdi.
Onu inandırdığını görən Nəcəfqulu:
- Şəxsiyyət vəsiqən yanındadır? - deyə xəbər aldı.
- Yanımdadır.
Nəcəfqulu:
- Mənə 300 manat ver, gedək “ASAN Xidmət”ə. Səndən borc aldığımı notarial kontorunda təsdiqlətdirək.
Qurbanəli şəxsiyyət vəsiqəsini və 300 manatI çıxarıb Nəcəfquluya uzatdı. Amma soruşmadı ki, bu 300 manat nəyə lazımdır.
Nəcəfqulu pulu alıb:
- Şəxsiyyət vəsiqəsi özündə qalsın. Notarial kontorunun müdiri istəyəndə özün ona verərsən.
Onlar “ASAN Xidmət”in binasına daxil oldular. Nəcəfqulu:
- İkinci mərtəbəyə qalxacağıq.
Pilləkənlə ikinci mərtəbəyə qalxmağa başladılar. “ASAN Xidmət”də qələbəlik idi. Pilləkənlə çıxıb-düşən də, salonda da adam çox idi. Növbə tutmuşdular. Qurbanəli əlində növbə kağızı notarial şöbənin qarşısına çatdı. Yan-yörəsinə baxdı. Nəcəfqulu gözə dəymirdi. Qurbanəli narahat oldu. Boş oturacaqlardan birində əyləşdi. Gözlə ha, gözlə. Nəcəfqulu nə gəzirdi?! Başa düşdü ki, bu dəfə də aldanıb. Növbəsi çatdı. Amma yerindən tərpənmədi. Yaxınlaşıb nə deyəcəkdi? Bir az da gözlədi.
Məlumat bürosunda bir neçə dəfə səsləndi:
- 51-ci nömrə yaxınlaşsın.
Qurbanəli dinmədi. Çağırırdılar:
- 52-ci, sonra 53-cü, daha sonra 54-cü... nömrə.
Qurbanəli suyu süzülə-süzülə “ASAN Xidmət”i tərk etdi.
...Küt Beyinovu əsgər aparmışdılar.
Qurbanəli başına gələnləri Mehman müəllimə danışıb ondan üzr istədi:
- Səndən incimişdim. Nahaq yerə. Sənə qulaq asmadığımdan birisinin toruna düşdüm. Bir ətək pulum batmışdı. İkinci dəfə aldanmağım onun yanında muştuluqçu oldu. O bir ətək puldan daha çox mənə notarial kontoru adı ilə alınan 300 manat təsir etdi. İnan ki, alışıb yandım, yandım-yaxıldım.
Şirvan şəhəri,
24.02.2024-cü il
24.02.2024-cü il
Müəllifin bütün yazıları - Akif ABBASOV
Bölməyə aid digər xəbərlər
19-03-2025, 11:04
Akif ABBASOV - Ədəbiyyatımıza yeni ruh gətirmiş Zəlimxan Yaqub - Akif Abbasov yazır
Qüdrət Həsənquliyevin fikrincə, Tramp görsə ki, Ukrayna qalib gəlir, Rusiyaya təkcə siyasi yox, hərbi dəstək də verəcək
"Xalq qəzeti"nin şöbə müdiri deyir ki, ömrü boyu özünü axtaran, dəfələrlə yanından ötüb keçən o qədər insan var ki
Nadir Azməmmədov: “Təəssüf ki, indi rejissor olmaq, kino və serial çəkmək adiləşib, bəzən bunun məsuliyyətini dərk etmirlər”
Türkiyədə yaşayan Əməkdar artist deyir ki, siyasilərin illərlə həllinə çalışdığı hansısa bir məsələni bəzən uğurlu bir musiqi əsəri həll edə bilər
Qüdrət Həsənquliyev: “Düşmənçiliyə son qoymaq üçün ədalətli sülhə nail olmaq gərəkdir. Bunun üçün ya tərəflər 1991-ci ilin sərhədləri çərçivəsində bir-birinin ərazi bütövlüyünü tanıyır, ya da ərazi mübadiləsinə gedirlər. Amma indiki mərhələdə bu, az inandırıcı görünür”
