23:11 / 18-03-2024
Ukrayna ordusu geri çəkilir
20:16 / 18-03-2024
Borrell ikibaşlı danışır
Rusiyada azərbaycanlının qatili ilə bağlı siyasi qərar veriblər
Tarix: 12-06-2021 15:33 | Bölmə: Siyasət / Xəbərlər
Rusiyada azərbaycanlının qatili ilə bağlı siyasi qərar veriblər
Vəkil Abdullayev

“Ola bilsin ki, Rusiyada qətlə yetirilən Vəkil Abdullayev avtomobillə sürət həddini aşıb. Yəni mümkündür ki, inzibati xəta törədib. Lakin buna görə güc tətbiqi, odlu silahdan istifadə etmək absurddur. Bu, faktiki cinayət tərkibi yaradır və qətli törədən polis əməkdaşı hökmən məsuliyyətə cəlb edilməlidir”.

Bu fikirləri Reyting.az-a hüquqşünas Vaqif Hacıbəyli Novosibirskidə polis tərəfindən güllələnərək öldrülən azərbaycanlı Vəkil Abdullayevlə bağlı cinayət işindən danışarkən deyib.

Vaqif Hacıbəyli hesab edir ki, azərbaycanlı Vəkil Abdullayevi qətlə yetirən polis əməkdaşı ilə bağlı gec-tez hüquqi müstəvidə başqa qərarlar qəbul ediləcək: “İndiki halda qəbul edilən qərarlar, o cümlədən Vəkil Abdullayevi qətlə yetirən polis əməkdaşının azadlığa buraxılması hüquqi müstəvidə verilən qərar deyil. Bizim daha iki soydaşımızı tutublar. Bu da əsassızdır. Mənim fikrimcə, bu məsələdə Rusiyada fəaliyyət göstərən Azərbaycan diasporası daha fəal olmalıdır. Bu məsələni hüquqi müstəviyə gətirmək üçün imkanlar var. Və hüquqi müstəvidə polis əməkdaşı məsuliyyətə cəlb olunacaq. Eyni zamanda inzibati xətalar törədən soydaşlarımız da yəqin ki, azadlığa buraxılacaq. Məsələ artıq şişib”.

V. Hacıbəylinin iddiasına görə, Rusiya cəmiyyətində hüquqi dövlətə yaxınlıq yoxdur: “Bu, təəssüf yaradan haldır. Biz insanların milli mənsubiyyətinə görə, onlara münasibətdə ayrı-seçkilik görürük və bunu qətiyyətlə pisləyirik”.

Hüquqşünas hesab edir ki, hadisədən sonra verilən qərarlar hüquqi yanaşmalardan daha çox siyasi qərardır: “Rusiyada azərbaycanlılara qarşı münasibət budur. Məncə, Azərbaycan cəmiyyəti daha qətiyyətli olmalı, məsələni diqqətdə saxlamalıdır. Burada yük daha çox bizim Rusiyadakı diaspora təşkilatlarımızın üzərinə düşür. Bu məsələni ən yüksək səviyyədə həll etmək lazımdır. Bir dəfə geri çəkilsək, bunun davamı gələ bilər. Rusiyada səlahiyyətlilər görməlidir ki, azərbaycanlılara qarşı belə münasibət göstərilə bilməz”.

V. Abdullayevin Gürcüstanda doğulduğunu xatırladan hüquqşünas qeyd edib ki, orada da hüquqi dövlət tam formalaşmayıb: “Gürcülər də bu məsələdə fəallıq etməlidir. Gürcüstan dövləti bu məsələyə münasibət bildirməlidir”.

Qeyd edək ki, mayın 28-də axşam saatlarında Rusiyanın Novosibirsk vilayətinin Moşkovo qəsəbəsində 19 yaşlı azərbaycanlı Vəkil Abdullayev ciddi əsas olmadan yol polisi müfəttişi Aleksandr Qusev tərəfindən başından güllə ilə vurulub. O, xəstəxanaya yerləşdirilsə də, həyatını xilas etmək mümkün olmayıb və mayın 30-da dünyasını dəyişib. Azərbaycanlını qətlə yetirən polis əməkdaşı Rusiya İstintaq Komitəsinin sədri Aleksandr Bastrıkinin tapşırığı ilə azadlığa buraxılıb.

Reyting.az




Bölməyə aid digər xəbərlər
17-03-2024, 12:16 “Kompas” səmtini azıb
15-03-2024, 01:00 Hakan Fidan Bakıya gəlib
14-03-2024, 21:31 Anar - Fəxri Uğurlu yazır

{sape_links}{sape_article}