17:38 / 28-03-2024
Əməkdar artist vəfat edib
ABŞ və Fransa ordusu Türkiyənin 5 kilometrliyinə çatıb - Fotolar
Tarix: 06-12-2021 15:59 | Bölmə: Siyasət
ABŞ və Fransa ordusu Türkiyənin 5 kilometrliyinə çatıb

ABŞ əsgərləri Türkiyə ilə sərhəddin 5 kilometrliyində görüntülənib.

Reyting.az
xəbər verir ki, görüntüləri “Frans-Press” (AFR) agentliyi yayıb.

Agentliyin yaydığı görüntülərdə əllərində silahlarla hərəkət edən əsgərlər və Amerika zirehli texnikası gözə çarpır. ABŞ ordusunun xüsusi təyinatlı qüvvələrinin dekabrı 1-dən bu bölgədə olduğu ortaya çıxıb.

YPG terrorçularına minlərlə “Tır” silah yardımı edən, onları mütəxəssisləri vasitəsilə hazırlaşdırmaqda davam edən ABŞ ordusunun indi olduğu yer Haseke məntəqəsinə bağlı Malikiyə, Şırnak, Cizrə qəsəbəsinin Erdem kəndinin qarşısıdır. Malikiyədə patrul xidməti aparan ABŞ əsgərləri diqqət çəkməyə bilmir.

ABŞ ordusu Suriyanın şimal-şərqində məskunlaşıb. Son dəfə həftə sonu ABŞ əsgərlərinin yerləşdirildiyi At Tanfada ard-arda partlayışlar həyata keçirilib. ABŞ xüsusi təyinatlıları hazırda Hasekedə YPG terrorçularına təlim keçir. Onlarla ABŞ xüsusi təyinatlı əsgəri bir aylıq təlim üçün İraqdan Suriyaya göndərilib.

Məlumdur ki, ABŞ indiyədək minlərlə terrorçu yetişdirib. YPG-yə dəstək üçün ABŞ əsgərləri ilə yanaşı, Fransanın xüsusi təyinatlıları da Suriyanın şimalındadır.

Qeyd edək ki, oktyabrın sonunda Türkiyə cənub sərhəddində YPG terrorçularına qarşı əməliyyat keçirə biləcəyinə dair siqnal vermişdi. Prezident Rəcəb Tayyib Ərdoğanla ABŞ lideri Co Bayden arasında keçirilən görüşdə terrorçulara verilən silahlar da gündəmə gəlmişdi. Türk Silahlı Qüvvələri hətta əməliyyat hazırlıqlarına başlamış, Azad Suriya Ordusu isə hazırlıqlarını başa vuraraq Ankaradan təlimat gözlədiyini açıqlamışdı. İndi görünən odur ki, ABŞ ordusu terrorçuları qorumaq məqsədilə Türkiyə sərhədlərinin yaxınlığında gözə dəyir. Amma bu, Türk ordusunun terrorçulara qarşı əməliyyata başlayacağının qarşısında maneə kimi görünə bilməz.







Bölməyə aid digər xəbərlər
17-03-2024, 12:16 “Kompas” səmtini azıb

{sape_links}{sape_article}