21:05 / 12-07-2024
AFFA yeni qərarlar verib
Dağıstanda terror aktı: ölənlər və çoxsaylı yaralı var - (Yenilənib+)
Tarix: 24-06-2024 04:30 | Bölmə: Slayd
Dağıstanda terror aktı: ölənlər və çoxsaylı yaralı var - (Yenilənib+)

Rusiyanın Dərbənd şəhərində naməlum şəxslər sinaqoq və kilsəni avtomat silahlardan atəşə tutub. İlkin məlumata görə, bir polis əməkdaşı həlak olub, biri isə yaralanıb.

Reyting.az
Dağıstan Daxili İşlər Nazirliyinə istinadla xəbər verir ki, təxminən saat 18:00-da Dərbənddə naməlum şəxslər sinaqoq və kilsəni atəşə tutmaqda şübhəli şəxslərlərin qaçdığı avtomobil müəyyən edilib.

Hazırda sinaqoqda yanğın baş verib. Yanğının söndürülməsi üçün işlər görülür.

Dağıstanın ictimai monitorinq komissiyasının sədr müavini Şamil Xadulayev bildirib ki, pravoslav kilsəsinə qarşı edilən hücum zamanı keşiş və mühafizəçi öldürülüb.

Mahaçqala və Dərbənddə baş verən atışmadan sonra Dağıstanda təhlükəsizlik tədbirlərinin gücləndirildiyi qeyd edilir.

***

Son məlumata görə, Dağıstandakı hücum zamanı hüquq-mühafizə orqanlarının 6 əməkdaşı həlak olub, 12-si yaralanıb.


Bu barədə Rusiya Federasiyası Daxili İşlər Nazirliyi məlumat yayıb.

Qeyd edək ki, Dağıstanın paytaxtı Mahaçqalada terrorçular polisə hücum edib.

Rusiya Milli Antiterror Komitəsi Respublika ərazisində əks-terror əməliyyatı rejiminin tətbiq olunduğunu açıqlayıb.

***

Dağıstanda terrorçuların hücumundan sonra ölənlərin sayı 9-a çatıb.


Dağıstan Respublikasının Müftiliyindən bildirilib ki, ölənlərin 7-si hüquq-mühafizə orqanlarının əməkdaşıdır. 25 nəfərin isə yaralandığı qeyd olunub.

***

Mahaçqalada kilsədə girovların olması barədə məlumat yayılıb.

Reyting.az
xəbər verir ki, bu barədə Rusiya KİV-ləri yazıb.

“RİA Novosti” isə bildirir ki, kilsənin içərisində silahlılar yoxdur: "Kilsədən kənarda döyüşlər gedir, keşiş və kilsəyə ziyarətə gələnlər otaqlardan birində barrikada qurublar".

Dağıstanın Daxili İşlər Nazirliyi Mahaçqaladakı kilsədə girovların olması ilə bağlı məlumatı təkzib edib.

***

Dağıstanda terrorçuların hücumu nəticəsində ölənlərin sayı 10 nəfərə çatıb.


Dağıstan Respublikası Daxili İşlər Nazirliyi bildirib ki, ölənlərin 8-i hüquq-mühafizə orqanlarının əməkdaşıdır.

***

Dağıstanda baş vermiş terror aktı nəticəsində Daxili İşlər Nazirliyinin 15-dən çox əməkdaşı həlak olub.

Bu barədə Dağıstan Respublikasının rəhbəri Sergey Melikov məlumat verib.

O, terror aktı nəticəsində bir neçə mülki şəxsin də həlak olduğunu deyib.




Bölməyə aid digər xəbərlər
{sape_links}{sape_article}