15:58 / 12-10-2019
Qarğış edən radikallar
“Kreml Paşinyanın hərəkətlərindən narazıdır” - Politoloq
Tarix: 24-09-2019 17:15 | Bölmə: Slayd
“Kreml Paşinyanın hərəkətlərindən narazıdır”

“Valday Beynəlxalq Müzakirə Klubunun görüşü kifayət qədər əhəmiyyətli formatdır. Bu mərkəzin təşkil etdiyi konfransda ciddi mövzular müzakirə olunur, bu dinləmələrdə dövlət başçıları və siyasi xadimlər iştirak edir. Sentyabrın 30-da keçiriləcək Valday müzakirələrinə Ermənistan baş naziri Nikol Paşinyanın dəvət edilməməsi əslində Paşinyanın şəxsiyyətinə və imicinə zərbədir”.

Bu sözləri politoloq Fikrət Sadıqov Ermənistan baş naziri Paşinyanın sentyabrın 30-da Soçidə işə başlayacaq Valday Beynəlxalq Müzakirə Klubunun konfransına dəvət edilməməsini şərh edərkən Reyting.az-a deyib.

Politoloq xatırladıb ki, sözügedən tədbirə Azərbaycan, İordaniya, Qazaxıstan və Filippin dövlət başçıları dəvət olunub.

Rusiya prezidenti Vladimir Putinin bu tədbirə Ermənistan baş naziri Nikol Paşinyanı dəvət etmədiyini xatırladan Fikrət Sadıqovun qənaətincə, bu yolla Kremli Paşinyana layiq olduğu yerini göstərir: “Yəni Kreml Paşinyana işarə edir ki, səni belə nüfuzlu tədbir və görüşlərə dəvət etmək niyyətində deyilik. Paşinyana mesaj budur ki, sən siyasətçi və püxtələşmiş dövlət xadimi deyilsən ki, belə mötəbər tədbirlərdə iştirak edib, ölkənin mövqeyini ifadə edəsən. Hesab edirəm ki, bu, Kremldən Yerevan hakimiyyətinə verilən açıq mesajdır”.

“Kreml Paşinyanın hərəkətlərindən narazıdır”
Fikrət Sadıqov

Bununla belə politoloq Rusiya-Ermənistan münasibətləri ilə Putin-Paşinyan münasibətlərini fərqləndirməyi və bunları bir-birindən ayırmağın son dərəcə vacib olduğunu diqqətə çatdırıb: “Bu məsələdə qəti səhv etmək olmaz. Rusiya Ermənistan münasibətləri ayrı mövzudur. Burada Rusiya Ermənistanı dəstəkləməyə hər zaman hazırdır və bunu edir. Çünki Ermənistan Rusiya üçün əldəqayırma dövlət qurumu və plastarımdır. Bundan sonra da Rusiya Ermənistandan istifadə edəcək.

İkincisi, Putin-Paşinyan münasibətləridir. Rusiya siyasi elitası ilə erməni siyasi elitası arasında münasibətlərə ruslar çox həssaslıqla yanaşır, eyni zamanda Moskva Paşinyanın hərəkətlərindən narazıdır. Bunu açıq formada büruzə verirlər. Məsələn, Kremlə yaxın KİV-lər və televiziya kanalları bu mövzuda yazır, ekspertlər və bəzən deputatlar danışır. Yəni bu münasibətlərdə problemlərin olduğu açıq görünür. Moskvanın Paşinyan rejimini dəstəkləməməsi geci-tezi bu iqtidarın Ermənistanda hakimiyyətini itirməsinə gətirib çıxaracaq. Reallıq budur ki, Rusiyanın hazırladığı ssenarilər nəticəsində Ermənistanda hakimiyyət dəyişiklikləri baş verib. Bu, erməni siyasi rəhbərliyi üçün güclü amildir. Hazırda Kreml Yerevandakı siyasi rəhbərliyi qəbul etmir, onunla əməkdaşlıq etmək niyyətində deyil. Bu, açıq görünür”.

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}