Türkiyə kəşfiyyatının axtardığı terrorçu general: bu şəxsi tapana 4 milyon mükafat verəcəklər - Fotolar
Tarix: 26-10-2019 12:25 | Bölmə: Slayd
Türkiyə kəşfiyyatının axtardığı terrorçu general: bu şəxsi tapana 4 milyon mükafat verəcəklər

Türkiyənin “Sülh çeşməsi”əməliyyatı Suriya sərhədlərində mövqe tutan YPG terrorçularının lideri “Məzlum Kobani” ləqəbli Fərhad Abdi Şahini dünya mətbuatının gündəminə gətirib. ABŞ Prezidenti Trampın “Tvitter” hesabında adını çəkməsi, Rusiya Müdafiə naziri Şoyqunun onunla telefon danışığı sanki terrorçu Fərhad Abdi Şahini “siyasi” faktor kimi önə çıxarıb.

Reyting.az
“Məzlum Kobani” ləqəbli terrorçu Şahinin kimliyini təqdim edir:

Hazırda Türkiyə qırmızı bülletenlə dünyada axtarışa verdiyi Fərhad Abdi Şahinin “siyasi fiqur” olaraq təqdim olunmasına etiraz edir.

Fərhad Abdi Şahin 1967-ci ildə doğulub, 1990-cı illərdə PKK terror təşkilatına qatılıb.

PKK lideri Abdulla Öcalanın sözdə Suriya təmsilçisi olan Şahin 1997-2003-cü illərdə terror təşkilatının Avropadakı fəaliyyətinin başında dayanıb.

Türkiyə kəşfiyyatının axtardığı terrorçu general: bu şəxsi tapana 4 milyon mükafat verəcəklər

Terrorçu bu tarixdən sonra Mahmur düşərgəsinə qayıdıb və burada bir il fəaliyyət göstərib. Ardınca Suriya rejimi tərəfindən 5 dəfə həbsə atılıb. 2009-cu ilə qədər zamanının böyük hissəsini həbsxanada keçirib.

Sonradan PKK-nın əməliyyat qollarından olan Xalq Müdafiəsi Güclərinə (HPG) cavabdehliyi həyata keçirən Şahin Suriyada vətəndaş müharibəsi başlayarkən həmin ölkəyə keçib.

Terrorçu Şahin Suriyada olduğu müddətdə İŞİD-ə qarşı mücadilədə İran və ABŞ-la müzakirələr aparıb. İŞİD-ə qarşı mübarizədə ABŞ ilə ittifaq qura bilən “Məzlum Kobani” 2014-cü ildə Vaşinqton administrasiyasının bölgədə əlaqə qurduğu əsas şəxslərdən birinə çevrilib.

ABŞ-ın “İŞİD-lə mübarizə” adı altında bölgəyə minlərlə yük maşını silah və hərbi ləvazimatlar yollaması Şahini terrorçular və onları dəstəkləyən qüvvələr üçün əhəmiyyətli gücə çevirib. Bu güclə Türkiyənin sərhədləri yaxınlığındakı böyük bir ərazi - Suriyanın şimal hissəsi Şahinin idarə etdiyi PKK/YPG-nin əlinə keçib.

Şahin ABŞ-ın bölgədən geri çəkilməsi və “Sülh çeşməsi” əməliyyatının başlamasının ardınca Əsəd rejimi ilə uzlaşaraq terrorçu qüvvələrini Menbiç və Kobanidən çıxararaq rejimin əlinə keçməsinə səbəb olub. Eyni zamanda ruslarla əlaqələr qurmağa çalışıb və buna müəyyən qədər nail olub.

Türkiyə kəşfiyyatının axtardığı terrorçu general: bu şəxsi tapana 4 milyon mükafat verəcəklər

Son dövrlər isə Məzlum Kobani yüksək səviyyəli danışıqları ilə diqqəti cəlb edib. Sözdə terrorçulara qarşı “fəal mübarizə” aparan ABŞ və Rusiya əli minlərlə insanın qanına batan Şahinlə təmasdan qaçmayıb...

ABŞ Prezidenti Tramp “Tvitter” hesabında terrorçu Şahinlə bağlı “İncə sözləriniz və cəsarətiniz üçün təşəkkür edirəm. Ən birinci kürd xalqına hörmətimi çatdırın. Sizi yaxın zamanlarda görmək üçün tələsirəm”, - ifadələrini işlədib. Onun bu fikirləri terrorçunun Ağ Evə dəvət edilməsi formasında təqdim olunub.

Rəsmi Moskva isə Soçidə Türkiyə-Rusiya razılaşmasından bir neçə saat sonra Şahinlə əlaqə saxlayıb. Rusiya Müdafiə naziri Sergey Şoyqu generallarla birlikdə Məzlum Kobani ilə telekonfrans keçirib.

Bu təmaslara rəsmi Ankara ciddi etiraz edib. Prezident Ərdoğan “Məzlum deyilən kod adlı terrorçu qırmızı xətlə axtarışdadır. Bu nə deməkdir? ABŞ-la aramızda cinayətkarların təslimi haqda anlaşma var. ABŞ bu adamı bizə təslim etməlidir”, - bəyanatını səsləndirib.

Bu arada bəlli olub ki, terrorçu Şahinin “Tvitter”də hesabı var. Hesabında terrorçu arxasındakı saxta bayraq fonunda şəkil çəkdirib.

Türkiyə kəşfiyyatının axtardığı terrorçu general: bu şəxsi tapana 4 milyon mükafat verəcəklər

Türkiyədə 9 zastavaya hücumların təşkili ittihamına görə 2011-ci ildə qırmızı bülletenlə axtarılan Fərhad Abdi Şahini tapana və yerini göstərənə Türkiyə 4 milyon lirə mükafat da vəd edib.

Onu da qeyd edək ki, terrorçuların lideri Abdulla Öcalan bir çox qanlı terror təşkilatının baş tutması üçün əmrlər verən Fərhad Abdi Şahin haqqında “mənəvi oğlum” ifadəsini işlədib.

Türkiyə kəşfiyyatının axtardığı terrorçu general: bu şəxsi tapana 4 milyon mükafat verəcəklər

Reyting.azскачать dle 10.5фильмы бесплатно




Bölməyə aid digər xəbərlər
{sape_links}{sape_article}