Tramp-Bayden döyüşü: vəziyyət hazırkı prezidentin əleyhinə dəyişə bilər - Foto
Tarix: 04-07-2020 19:30 | Bölmə: Slayd
Tramp-Bayden döyüşü: vəziyyət hazırkı prezidentin əleyhinə dəyişə bilər

“ABŞ-dakı proseslər göstərir ki, qarşıdan gələn prezident seçkiləri öncəsi Donald Tramın mövqeləri zəifləyir. Mən ötən gün ABŞ mediasına diqqət etdim. İlkin təəssürat budur ki, hətta Respublika Partiyasında olan respublikaçıların əksəriyyəti Trampı istəmir, növbəti president seçkilərində Con Baydenin hakimiyyətə gəlməsinə maraq göstərirlər. Sanki respublikaçılar bir növ Baydenin gəlməsi üçün səfərbər olublar”.

Bunu Reyting.az-a açıqlamasında ABŞ-da prezident seçkiləri ilə bağlı müşahidə olunan prosesləri təhlil edən politoloq Fərhad Mehdiyev deyib.

Onun sözlərinə görə, respublikaçıların müəyyən hissəsinin Trampı arzu etməməsi onunla bağlı deyil ki, indiki prezident növbəti dəfə seçilməyə bilər:

“Ola bilsin ki, Tramp respublikaçıların gözləntilərini kifayət qədər qarşılaya bilməyib. Biz gördük ki, Tramp Rusiyaya qarşı siyasətdə o qədər də fəal olmadı. Amma siz ABŞ siyasətinə diqqət etsəniz görərsiniz ki, respublikaçılar demokratlarla müqayisədə Rusiyaya qarşı hər zaman sərt olub, qatı mövqe sərgiləyiblər. Ancaq Trampın simasında bunun tam əksini gördük.

Tramp-Bayden döyüşü: vəziyyət hazırkı prezidentin əleyhinə dəyişə bilər
F. Mehdiyev

İkincisi, yenə Rusiya ilə bağlı olaraq ABŞ prezidenti Tramp Avropa ilə münasibətlərini pozub. Əvvəlki ABŞ doktrinasına görə, Avropadakı müttəfiqlərin Rusiyadan qorunması üçün Avropa dövlətləri ilə yüksək səviyyədə münasibətlər qurulmalıdır. Amma siz indi baxanda görə bilərsiniz ki, Almaniya ilə ABŞ münasibələri Tramp haqqında heç də yaxşı olmayıb. Fransa ilə bağlı da haradasa bunu demək mümkündür...”.

Keçirilən son sorğularda hətta yevanglislərin Trampa dəstəyinin 17 faiz azaldığını xatırladan F. Mehdiyev diqqətə çatdırıb ki, ABŞ-ın indiki prezidenti yalnız yəhudilərlə yüksək səviyyəli əlaqələr qurmağı bacarıb: “Məsələn, Qüdsü İsrailin paytaxtı kimi tanıdı. Bunu çoxları gözləmirdi. Düşünürəm ki, indiyə qədər Trampın ayaq üstə qalmasının səbəbi yəhudi icması ilə yüksək əlaqələr qura bilməsidir. Sözsüz ki, Tramp yəhudilərin dəstəyinə sahibdir. Amma ABŞ-ın öz maraqları var. Məsələn, ABŞ-ın Çinlə münasibətlərinin pozulması əslində bu ölkəyə lazım idi. Ənənəvi prezidentlərdən fərqli olaraq Çinlə münasibətlərin pozulması Trampın vaxtında baş verdi. Və bu, ABŞ-ın maraqlarına uyğundur. Amma digər addımları ABŞ-ın daxili siyasətinə uyğun olmadı”.

Bununla belə F. Mehdiyev hesab edir ki, bu ilin noyabr ayının 3-də ABŞ-da keçiriləcək prezident seçkiləri haqqında qəti fikir söyləmək hələ tezdir: “Bu haqda konkret fikir bildirmək risk tələb edir. Məncə, hələ ABŞ-da gedən prosesləri, medianı daha çox izləmək lazımdır”.

Reyting.azскачать dle 10.5фильмы бесплатно




Bölməyə aid digər xəbərlər
bütün xəbərlər
{sape_links}{sape_article}