17:38 / 28-03-2024
Əməkdar artist vəfat edib
İranlılar Türkiyəni “işğal edir” - Kapitalla
Tarix: 24-02-2021 20:12 | Bölmə: Slayd
İranlılar Türkiyəni “işğal edir” - Kapitalla

Son 2 ildə İrandan Türkiyəyə 100 milyard dollar vəsait köçürülüb.

Reyting.az
“Fararu”-ya istinadla xəbər verir ki, bunu Tehran Ticarət Palatasının rəhbəri Məsud Xansari bildirib. O, son 2 ildə 100 milyard dollarlıq kapitalın ölkəni tərk etdiyini, bunun bir hissəsinin qonşu ölkələrdə əmlak alınmasına sərf olunduğunu açıqlayıb.

Məsud Xansari ölkədəki investisiya cəlbi tendensiyasının ən azı son iki ildə mənfi olduğunu və amortizasiya nisbətinin sərmayəni aşdığını və bunun narahatlıq doğurduğunu da sözlərinə əlavə edib.

Onun sözlərinə görə, elan edilmiş və sənədləşdirilmiş statistik məlumatlar göstərir ki, son 2 ildə ölkədən təxminən 100 milyard dollarlıq kapitalı iranlılar əsasən qonşu ölkələrin mənzil sektoruna yönəldib.

Dolların son illərdəki bahalaşması və İrana qarşı iqtisadi sanksiyalar ölkədən kapital axınını gücləndirib. Türkiyə, BƏƏ və Gürcüstan da daxil olmaqla, bəzi qonşu ölkələr İran sərmayəsini cəlb edə biliblər.

Türkiyə digər ölkələrdən daha çox İranın iqtisadi vəziyyətindən yararlana bilib. Bir tərəfdən, hər il bir çox iranlı bu ölkəyə turist olaraq və ya Türkiyə üçün əhəmiyyətli bir valyuta olan alış-veriş etmək üçün gedir, digər tərəfdən, İrandakı yaşayış şərtlərindən narazı olan vətəndaşlar üçün Anadolu cəlbedici bir yerdir.

İranlılar Türkiyədə mülk almaq və vətəndaşlıq qazanmaqda liderdir və 2017-2019-cu illərdə Türkiyədə iranlılar tərəfindən 1500-ə yaxın əmlak alınıb ki, bu da digər ölkələrə nisbətən birinci pilləni tutmaları ilə nəticələnib.

2020-ci ildə Türkiyədə əmlakın xarici alıcılarının ümumi payı təxminən 5 faiz olub, göstəricinin 20 faizi ilə iranlılar xarici alıcıların beşdə birini təşkil edib. Statistik məlumatlar göstərir ki, 2020-ci ilin ilk 9 ayında İran vətəndaşları Türkiyədə təxminən 7000 mənzil və ya ev alıblar.

Dörd ildən az bir müddətdə, əcnəbilər Türkiyədə 126.000 əmlak alıb və müxtəlif sahələrdə 41.000 yeni şirkət qurublar. Xarici vatandaşlar arasında iranlılar 4 ildən az bir müddətdə Türkiyədə 2721 şirkət qurub və bu ölkədə ümumən 13035 əmlak alıblar.

Türk rəsmilər bu yaxınlarda İran və Türkiyə arasında səyahət üçün pasportla səfərin ləğvini təklif ediblər. Bu, Türkiyənin səyahət və İran sərmayəsindən əldə etdiyi yüksək qazancını praktik olaraq göstərən bir təklifdir.

Reyting.az




Bölməyə aid digər xəbərlər
{sape_links}{sape_article}