18:05 / 21-04-2021
Rusiya ABŞ-a nota verib
Deputat maaşla bağlı hərbçilərə müraciət edib
Tarix: 28-02-2021 11:48 | Bölmə: Siyasət
Deputat maaşla bağlı hərbçilərə müraciət edib

Milli Məclisin deputatı Etibar Əliyev son günlər ən çox müzakirə olunan məsələ ilə bağlı hərbçilərə müraciət edib.

Reyting.az
xəbər verir ki, son günlər sosail şəbəkə istifadəçilərinin əsassız hücumlarına məruz qalan Etibar Əliyev hərbçilərə müraciətində deyib:

“Əziz qardaşlar! Son günlər ölkədə hərbçilərlə deputatlar arasında nifaq yaradılması məqsədilə Azərbaycanın inkişafının əleyhinə olan insanalar (ünsürlər) planlı və düşünülmüş işlər aparırlar. Sizi əmin edirəm ki, hələ indiyə qədər nə Milli Məclisin rəhbərliyi, nə də deputatlardan kimsə Sizin maaşlarınızın azaldılması haqqında bir cümlə belə işlətməyib. Əksinə, hərbçilərin yaşayış səviyyəsinin yüksəldilməsi, onlara qayğının artırılması isriqamətində bütün deputatlar hökumət qarşısında məsələ qaldırıblar. Mənim bütün yazılarıma və çıxışlarıma diqqət etsəniz hərbçilərimizin maaşlarının azaldılması barədə bir cümləyə belə rast gələ bilməzsiniz. Biz 44 günlük Vətən müharibəsində əsgərin, şəhidlərimizin və yaralıların yanında olduq”.

E. Əliyev müraciətində qeyd edib ki, “5-ci kolon”un nümayəndələri və yelbeyin qaraguruhçular Vətən müharibəsindən əvvəl Dövləti bir qarış torpaq azad edə bilməməkdə suçlayırdılar. İndi isə ərazilərimiz işğaldan azad olunub, leksikon dəyişib: “Bunların beyinlərini manipulyasiya edənlər hərbçiləri gündəmə gətiriblər. Sizdən sui-istifadə etməyə çalışırlar. Ancaq bu baş tutmayacaq. Azərbaycan Dövlətinin hərbçilərə münasibəti nümunəvidir. Ölkə başçısı son çıxışlarının birində 11 min hərbçinin 2021-2025-ci illərdə mənzil və fərdi evlə təmin olunması məsələsi barədə danışdı. Bu cür qayğılar hamı kimi bizi də sevindirir.

Yeri gəlmişkən, Birinci vitse-prezidentin köməkçisi Elçin Əmirbəyov bu məsələyə mühüm aydınlıq gətirdi: "Hərbçilərin maaşları ilə bağlı məsələ birbaşa dövlət rəhbərliyinin nəzarəti altındadır”. O bildirib ki, Azərbaycan öz əsgərinin qayğısına qala biləcək bir dövlətdir.

Təkrar edirəm, ölkədə və xaricdə qarşıdurma yaratmağa meylli olan ünsürlər məqsədlərinə çata bilməyəcəklər. Təəssüflər olsun ki, Pressklub.tv adlanan televiziya da bu gün “Azadlıq” qəzetinin apardığı antimilli təbliğata qoşulub. İlk baxışdan adama elə gəlirdi ki, presskluba intellektuallar toplaşıb. Ancaq bunlar da azadlığın qaraguruhçularından o tərəfə keçməyiblər. İstəyirsən professor ol, istəyirsən xalq yazıçısının oğlu ol. Təfəkkür həmən təfəkkürdür. Darıxmayın! Nə vaxtsa maskalar yırtılacaq.

Əziz hərbçilər! Sizdən məslələrə soyuq başla və anlayışla yanaşmağı rica edirəm. Yenə də təkrar edirəm. Nə Milli Məclisin rəhbərliyi, nə də deputatların heç biri Sizin maaşlarınızın azaldılması məsələsinə toxunmayıb. Nə belə səs yazısı var, nə belə müsahibə var, nə də belə müəllif yazısı var. Bu dezinformasiyanı yayanlar ölkədə hərbçilərin heysiyyatına toxunmaq istəyən ünsürlərdir.

Allah köməyiniz olsun!”.




Bölməyə aid digər xəbərlər
bütün xəbərlər
{sape_links}{sape_article}