Ermənistanda seçki: Paşinyanın partiyası qalib gəlib
Tarix: 21-06-2021 00:09 | Bölmə: Slayd
Ermənistanda seçki: Paşinyanın partiyası qalib gəlib

Ermənistanın növbədənkənar parlament seçkilərində səslərin sayılması tamamlanıb.

Reyting.az
“Armenian News”a istinadla xəbər verir ki, Ermənistan Mərkəzi Seçki Komissiyası 21 iyun saat 08.25-də 8-ci çağırış Milli Məclisə keçən bazar günü keçirilən fövqəladə seçkilərin nəticələrini yekunlaşdırıb.

Bütün 2008 seçki məntəqəsinin məlumatları işlənib.

Səslər aşağıdakı kimi paylanıb:

1. "Vətəndaş müqaviləsi" - 53.92% (687251 səs),

2. "Ermənistan" bloku - 21.04% (268165),

3. "Şərəfim var" bloku - 5.23% (66633),

4. "Çiçəklənən Ermənistan" - 3.96% (50416),

5. "Respublika" - 3,04% (38713),

6. Erməni Milli Konqresi - 1,54% (19647),

7. "Şirinyan-Babacanyan Demokratlar Bloku" - 1,5% (19142),

8. "Milli Demokratik Qütb" - 1.47% (18767),

9. "Parlaq Ermənistan" - 1,22% (15557),

10. "5165" hərəkatı - 1.22% (15534),

11. Liberal Partiya - 1.17% (14923).

12. “Ermənilərin vətəni” - 1,03% (13115).

Qalan 13 namizəd rəqib onda bir faiz səs toplayıb.

"Vətəndaş müqaviləsi" üçün ən pis nəticənin paytaxtda olması diqqət çəkir: Yerevanda seçicilərin yalnız 41%-i Nikol Paşinyanın partiyasına səs verib. Parlamentdəki əksər yerləri o, vilayətlər hesabına əldə etməyi bacarıb.

***
Ermənistanda bu gün keçirilən növbədənkənar parlament seçkilərində baş nazir vəzifəsini müvəqqəti icra edən Nikol Paşinyanın rəhbəri olduğu "Vətəndaş müqaviləsi" Partiyası qalib olub.

Reyting.az
xəbər verir ki, bu barədə Ermənistanın Mərkəzi Seçki Komissiyası (MSK) məlumat yayıb.

Bildirilib ki, Paşinyanın rəhbəri olduğu siyasi təşkilat seçicilərin 58,04 %-nin səsini toplayıb. Siyahıda ikinci yerdə sabiq prezident Robert Koçaryanın "Ermənistan" bloku qərarlaşıb. Onun partiyası seçicilərin 22,01 %-nin səsini qazanıb.

Qeyd edək ki, bunlar ilkin nəticələrdir. Hələlik 2 008 seçki məntəqəsinin 80-də bülletenlər hesablanıb.




Bölməyə aid digər xəbərlər
bütün xəbərlər
{sape_links}{sape_article}