Hipersəsli raket Rusiya ilə Qərb ölkələrinin münasibətində yeni gərginlik yaradıb - Fotolar
Tarix: 21-07-2021 16:13 | Bölmə: Slayd
Hipersəsli raket Rusiya ilə Qərb ölkələrinin münasibətində yeni gərginlik yaradıb

Rusiya ilə Qərb ölkələri arasında münasibətlər kritik həddə çatmaq üzrədir. Rusiyanın “dayandırıla bilməz” deyib təqdim etdiyi hipersəsli raket sınaqlarına ABŞ-ın reaksiyası gecikməyib. Kreml isə Qərb dünyasına net mesaj verib: “Bizə başqa çarə buraxmadınız!”

Reyting.az
xəbər verir ki, silahlanma yarışı baxımından dünya sanki böyük müharibənin astanasındadır. Dünya nəhəngləri bir-birini ardıcıl hərbi təlimlər və ən müasir silahlarla təhdid edərkən, heç bir dövlətin geri addım atmaması narahatlığı daha da artırır.

Xatırladaq ki, Rusiya Müdafiə Nazirliyi bazar ertəsi günü “Tsirkon” hipersəsli raketin Barents dənizində sınaqdan keçirildiyini açıqlayıb. Məlumata görə, Rusiya Hərbi Dəniz Qüvvələrinin gəmilərinin və sualtı qayıqlarının bu raketlərlə təchiz edilməsi planlaşdırılır.

Bunun qarşılığında ABŞ narahat görünür və hesab edir ki, nüvə gücü qarşılıq gətirəcək.



ABŞ Müdafiə Nazirliyinin (Pentqon) sözçüsü Con Kirby Moskvanın son addımlarına cavab verərək Rusiyanın hipersəsli raketləri və riskləri barədə xəbərdarlıq edib.

“Biz prezident Putinin iddialarından şübhəsiz xəbərdarıq. Təfərrüatlarına varmayacağam, qeyd etmək vacibdir ki, Rusiyanın yeni hipersəsli raketləri potensial olaraq sabitliyi pozur və nüvə qabiliyyətli sistemlər olduqları üçün əhəmiyyətli risklər yaradır”,- Pentaqon rəsmisi deyib.

Pentaqon əməkdaşı əlavə edib ki, ABŞ bu sabitliyi pozan fəaliyyətləri nəzarət altına almaq üçün NATO da daxil olmaqla müttəfiqləri və ortaqları ilə sıx əməkdaşlıq edir.

Kremlin sözçüsü Dmitri Peskov isə bəyan edib ki, “Tsirkon” hipersəsli raket bazar ertəsi günü sınaqdan keçirilib. ABŞ-ın buna sərt reaksiya göstərdiyinə işarə edən Peskov, strateji təhlükəsizlik sistemi ilə bağlı razılaşmaların pozulduğunu bildirib.



ABŞ və NATO-nun silah baxımından bərabərliyi pozduğunu ifadə edən Peskov bildirib ki, bunlar Rusiyanı mövcud bərabərliyin qorunacağını təmin edəcək tədbirlər görməyə məcbur edib: “Biz də bunu etdik”.

Peskov əlavə edib ki, Moskva ABŞ və NATO-nun silah baxımından mövcud bərabərliyi pozan addımlarına qarşıdır: “Bura Rumıniyada və Rusiya sərhədlərinə yaxın ölkələrdə müdafiə sistemlərinin yerləşdirilməsi də daxildir. Başqa sözlə, bütün bunlar edildi ki, mövcud bərabərlik pozulsun. Bunlar mövcud bərabərliyin davamı üçün tədbirlər görülməsini tələb etdi”.

Qeyd edək ki, Rusiya “Zirkon” hipersəsli raket sınaqları həyata keçirib və raketlər 350 kilometrdə hədəfi tam məhv edib. Moskva bu raketi “dünyada tayı-bərabəri olmayan” silah sayır.

Rusiya lideri Putin bu silah haqqında ilk dəfə 2020-ci ildə danışıb və həmin ildə keçirilən test bunu “bütün ölkə üçün böyük hadisə” kimi qiymətləndirib. Putin eyni zamanda bu raketlərin dünyadakı hər hansı bir nöqtəni vura biləcəyini qeyd etməklə yanaşı ABŞ-ın raket hücumundan müdafiə sistemlərinin bu raketlər qarşısında gücsüz olduğunu bildirib.



Reyting.az




Bölməyə aid digər xəbərlər
bütün xəbərlər
{sape_links}{sape_article}