11:29 / 07-12-2021
Azərbaycan nefti bahalaşır
Bakı və İrəvan sülh sazişinə doğru gedirlər - Ekspert
Tarix: 21-11-2021 10:20 | Bölmə: Slayd
Bakı və İrəvan sülh sazişinə doğru gedirlər

“Ermənistanla Azərbaycan arasında baş verən son toqquşmalar göstərir ki, tərəflərdən biri müəyyən prosesi dayandırmağa cəhd edib və buna müvəffəq olub”.

Reyting.az
xəbər verir ki, bunu “Novosti Armenia”ya müsahibəsində rusiyalı politoloq, Yaxın Şərq və Qafqaz ölkələrinin problemləri üzrə ekspert Stanislav Tarasov deyib.

“Kimin başladığını söyləmək çətindir. Toqquşma rus sülhməramlılarının yerləşdiyi yerdən uzaqda baş verib, müşahidəçilər yoxdur və tərəflər bir-birini günahlandırır”, - deyə o bildirib.

Ekspertin sözlərinə görə, bu proses maraqlı hadisələrlə üst-üstə düşüb.

“44 günlük Qarabağ müharibəsindən və 2020-ci il noyabrın 9-da imzalanan bəyanatdan sonra yaranan Moskva-İrəvan-Bakı formatı işlədi. Onun bəndlərindən biri atəşkəs rejiminə əməl olunmasının zəruriliyindən bəhs edir. Sünikdəki bu bir günlük müharibə bu müqaviləyə zərbə oldu və son nəticədə onu tamamilə məhv edə bilərdi.


S. Tarasov

Bundan əlavə, son vaxtlar ATƏT-in Minsk qrupunun işi intensivləşib. Onun vasitəçiliyi ilə Nyu-Yorkda, daha sonra Parisdə Ermənistan və Azərbaycanın xarici işlər nazirlərinin görüşdüyü məlumdur.

“Moskva formatı” (Moskva-İrəvan-Bakı) ilə ATƏT MQ formatının gündəliyi bir-birindən fərqlənir, çünki ATƏT MQ Qarabağın statusu ilə bağlı bəndi nəzərdən keçirməkdən rəsmən imtina etməyib. Yəni biz müxtəlif gündəliyə malik iki danışıqlar platforması ilə məşğul oluruq. Belə bir şəraitdə baş verən “Moskva formatı”nın bazasını dəyişmək və ya sarsıtmaq üçün tərəflərdən biri öz xeyrinə oynaya bilərdi. Üstəlik, bu hadisələrdən əvvəl Əliyevlə Paşinyan arasında Moskvada mümkün görüş barədə danışıqlar aparılıb və orada sərhədin demarkasiyası və delimitasiyası ilə bağlı saziş imzalanmalı idi. Bu, qeyri-müəyyən bir hekayədir, çünki dünya praktikası belə müqavilələrin sülh müqaviləsi bağlandıqdan sonra imzalandığını göstərir. Lakin Ermənistanla Azərbaycan arasında belə bir razılaşma yoxdur və 9 noyabr sənədi əsasında sərhədlərin müəyyənləşdirilməsi məsələsini həll etmək çətindir. Beləliklə, elə bir vəziyyət yaranıb ki, hər iki tərəf müxtəlif səbəblərdən bu münaqişənin qızışdırılmasında maraqlı ola bilər.

Vəziyyət ağırdır, vəziyyət gərgin olaraq qalır. Burada xarici qüvvə amili göz qabağındadır, lakin onu müəyyən etmək hələ də çətindir.

Bakı və İrəvanın davranışından görünür ki, tərəflər genişmiqyaslı münaqişədə maraqlı deyillər, onlar sülh sazişinə doğru gedirlər, lakin ona yanaşma fərqlidir. Sülh müqaviləsinin hazırlanmasının hansı formatda - “Moskva formatı”nda, yoxsa ATƏT-in Minsk qrupu formatında aparılacağı bəlli deyil.

Paşinyan sanki ikinci formatı dəstəkləyir. Bakıya gəlincə, bu yaxınlarda o, Qarabağ münaqişəsinin bitdiyini və ATƏT-in Minsk Qrupunun başqa gündəm üzərində işləyə biləcəyini düşünərək ATƏT-in Minsk Qrupunu tənqid edib, sonra isə naməlum səbəbdən XİN rəhbərini erməni həmkarı ilə görüşə göndərib. Yəni Azərbaycan bu formatı qəbul edib, bəs hansı şərtlərlə?

3+3 formatına gəlincə, indiki mərhələdə bu, əbəs təşəbbüsdür”, - deyə Tarasov vurğulayıb.

Xatırladaq ki, noyabrın 16-da Azərbaycan Ermənistana qarşı hərbi təcavüz edib və nəticədə hər iki tərəfdən artilleriya, zirehli texnika və atıcı silahlardan istifadə etməklə lokal döyüşlər baş verib, insan tələfatı olub. Döyüş Rusiyanın vasitəçiliyi ilə başa çatıb.




Bölməyə aid digər xəbərlər
bütün xəbərlər
{sape_links}{sape_article}