18:55 / 19-05-2022
Xalq artisti vəfat edib - Foto
Füzulidə salınacaq “Ağıllı kənd”in tikintisi intensivləşəcək
Tarix: 26-01-2022 11:10 | Bölmə: Slayd
Füzulidə salınacaq “Ağıllı kənd”in tikintisi intensivləşəcək

Azərbaycanda ikinci “Ağıllı kənd” Füzuli rayonunun Dövlətyarlı kəndində salınacaq. Görəsən, ötən ilin oktyabr ayının 17-də Azərbaycan prezidenti tərəfindən təməli qoyulan bu kənddə neçə ailə məskunlaşacaq və hansı üstünlükləri olacaq?

Reyting.az
-ın məlumatına görə, Milli Məclisdə Füzuli rayonunu təmsil edən deputat Vüqar Bayramov bildirib ki, Dövlətyarlı kəndində üç, dörd və beşotaqlı olmaqla, ümumilikdə ilkin mərhələdə 450 evin inşası nəzərdə tutulub. Kənddə məktəb və uşaq bağçası tikiləcək, kəndin mərkəzində meydan salınacaq, bazar inşa ediləcək.

V. Bayramov əlavə edib ki, kəndin yerləşmə coğrafiyası və təbii üstünlükləri nəzərə alınmaqla bir neçə sektor üzrə müəssisələrin yaradılması da nəzərdə tutulub. Belə ki, kartofçuluq dəyər zənciri üzrə müəssisələrin yaradılması planlaşdırılır. Bu müəssisələrdə 40 daimi, 300-dək mövsümi iş yeri yaradılacaq.


V. Bayramov

Deputat diqqətə çatdırıb ki, Köndələnçay su anbarı əsasında ağıllı akvakultura sistemlərinin tətbiqi hesabına balıqçılıq təsərrüfatının qurulması da planlaşdırılır. İstehsal olunacaq balıq məhsullarının ixrac ediləcəyi gözlənilir.

Kənddə quşçuluq təsərrüfatı da yaradılacaq, ilkin mərhələdə 85 daimi iş yeri olacaq.

Milli Məclis üzvünün sözlərinə görə, kəndin iqlimi və relyef üstünlükləri nəzərə alınaraq turizmin formalaşdırılması üçün otel infrastrukturu da yaradılacaq:

“Bütün bunlarla yanaşı, kəndin ətrafında “Ağıllı kənd” təsərrüfatı sahəsi də olacaq. Beləliklə, sakinlər kənd təsərrüfatı ilə məşğul ola biləcəklər”, - V. Bayramov əlavə edib.

Enerji təminatının hansı mənbələr hesabına ödəniləcəyinə gəldikdə, V. Bayramov diqqətə çatdırıb ki, bu təminat yaşıl və alternativ mənbələr hesabına olacaq:

“Kənddə xarici investisiya əsasında alternativ enerji həlləri məqsədilə günəş paneli tarlası salınacaq. İnvestisiya layihəsinin gücü 50 meqavat olacaq. Burada 20 daimi iş yeri yaradılacaq”.

V. Bayramov sonda diqqətə çatdırıb ki, artıq kəndin salınması üçün hazırlıq işləri görülür. “Kəndin layihəsi təsdiqlənib. Qısa zamanda inşaat işləri intensivləşəcək”, - V. Bayramov əlavə edib.




Bölməyə aid digər xəbərlər
{sape_links}{sape_article}