18:55 / 19-05-2022
Xalq artisti vəfat edib - Foto
Zaur Əliyev TƏBİB-in Müşahidə Şurasının sədri, həmkarların sədri isə üzv təyin olunub
Tarix: 13-05-2022 15:40 | Bölmə: Slayd
Zaur Əliyev TƏBİB-in Müşahidə Şurasının sədri, həmkarların sədri isə üzv təyin olunub
Zaur Əliyev

Tibbi Ərazi Bölmələrini İdarəetmə Birliyinin (TƏBİB) Müşahidə Şurasının sədri məlum olub.

Reyting.az
xəbər verir ki, Prezident İlham Əliyev imzaladığı müvafiq fərmana əsasən, TƏBİB-in Müşahidə Şurası İcbari Tibbi Sığorta üzrə Dövlət Agentliyinin İdarə Heyətinin sədrindən (sədr olmaqla), səhiyyə nazirinin müavinindən, əmək və əhalinin sosial müdafiəsi nazirinin müavinindən, İcbari Tibbi Sığorta üzrə Dövlət Agentliyinin İdarə Heyəti sədrinin müavinindən və Səhiyyə İşçiləri Həmkarlar İttifaqının sədrindən ibarət tərkibdə formalaşdırılır.

Qeyd edək ki, hazırda İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyevdir.

Bununla yanaşı, Səhiyyə İşçiləri Həmkarlar İttifaqı Respublika Komitəsinin sədri yeni yaradılan Tibbi Ərazi Bölmələrini İdarəetmə Birliyinin (TƏBİB) Müşahidə Şurasına üzv təyin olunub

Qeyd edək ki, hazırda Səhiyyə İşçiləri Həmkarlar İttifaqı Respublika Komitəsinin sədri Emin Əfəndiyevdir. O, 1989-cu ildən Səhiyyə İşçiləri Həmkarlar İttifaqı Respublika Komitəsinin sədridir.

Xatırladaq ki, TƏBİB-in fəaliyyətinə ümumi rəhbərliyi və nəzarəti həyata keçirmək üçün Azərbaycan Respublikası Prezidentinin vəzifəyə təyin və vəzifədən azad etdiyi sədrdən və digər 4 üzvdən ibarət Müşahidə Şurası yaradılıb.





Bölməyə aid digər xəbərlər
{sape_links}{sape_article}