14:48 / 08-08-2022
Daşkəsəndə yenə sel olub
12:45 / 08-08-2022
Sabah yağış yağacaq
Azərbaycanın Londondakı səfirliyinə hücumu İran təşkil edib?
Tarix: 05-08-2022 13:29 | Bölmə: Slayd
Azərbaycanın Londondakı səfirliyinə hücumu İran təşkil edib?

"Azərbaycanın Londondakı səfirliyinə hücum təsadüfi hadisə deyil. Öncə bunun kimlərə sərf etdiyini araşdırmaq lazımdır. Üstəlik, səfirliyə hücumun radikal şiə qrupu tərəfindən edildiyini bildirilir. Məncə, burada İranın da marağı ola bilər. Küveyt şiəliyə məcbur edilən kiçik ölkədir. İranın bu məsələdə böyük təsiri var. Küveyt bir aşirət dövlətidir və bu aşirati İranla bağlı qruplar təsir altında saxılayır".

Bunu Reyting.az-a professor Cümşüd Nuriyev dünən Azərbaycanın Londondakı səfirliyinə radikal dini qrupun hücumundan danışarkən deyib.

C. Nuriyev əlavə edib ki, hücumu "Mehdiyə xidmət edən qulluqçular" adlı təşkilat həyata keçirib: "Bu qurum İranın nəzarəti altındadır. Diqqət etsək görərik ki, səfirliyə hücum zamanı təkcə ərəb deyil, fars dilində də şüarlar olub”.


Cümşüd Nuriyev

Professor diqqətə çatdırıb ki, Azərbaycan mətbuatı İranın Ali dini rəhbərinin Zəngəzurla bağlı son açıqlamalarından sonra haqlı olaraq fəallaşıb və siyasətçilərimiz İranın üzərinə gediblər. C. Nuriyevin cənubdakı dostlarından aldığı məlumata görə, Azərbaycan mediası və siyasətçilərinin həmrəylik nümayiş etdirməsi İranda bəzi dairələri narahat edib. “Həm də ona görə narahat olublar ki, belə fəallıq cənubdakı soydaşlarımızı fəallaşdıra bilər. Molla rejimi bundan artığını düşünə bilməz. Hesab edirəm ki, Londonda baş vermiş hərəkətlərlə Azərbaycanın nüfuzuna zərbə vurmaq istəyiblər",- professor əlavə edib.

C. Nuriyev xatırladıb ki, 1961-ci il Vyana konvensiyasına görə, Böyük Britaniya Azərbaycan səfirliyinin təhlükəsizliyini təmin etməyə borcludur: “Böyük Britaniya bunu etməyibsə, narazılığımızı bildirməliyik. Ən yaxşı halda səfirliyimizin təhlükəsizliyinin təmin olunmaması ilə bağlı nota təqdim etməliyik. Amma əminəm ki, Britaniya öz işini görəcək”.

C. Nuriyevin ehtimalına görə, Azərbaycan səfirliyinə hücum İrandan verilən sifariş əsasındadır. “Azərbaycan bayrağına hörmətsizliyi bağışlaya bilmərik. Ümumiyyətlə, son zamanlar qıcıq yaradan bu və ya digər olaylar təsadüfi deyil. Bu məsələdə Azərbaycanı təsir altında saxlamağa çalışan qüvvələrin əli var. Amma onların belə cəhdləri nəticəsiz qalacaq. Əksinə, belə hərəkətlər Azərbaycan daha da gücləndirəcək",- professor əlavə edib.

Reyting.az





Bölməyə aid digər xəbərlər
{sape_links}{sape_article}