Rusiya ilə NATO arasında razılaşma əldə olunub
Tarix: 23-11-2022 18:47 | Bölmə: Slayd
Rusiya ilə NATO arasında razılaşma əldə olunub

Rusiya Silahlı Qüvvələrinin Baş Qərargah rəisi Valeri Gerasimov və NATO Hərbi Komitəsinin rəhbəri admiral Rob Bauer son təmaslar zamanı “insidentlərin qarşısını almaq üçün” Qara dənizdə ehtiyatlı davranmağa razılaşıblar.

Reyting.az
xəbər verir ki, bu barədə euractiv.com alyansdakı mənbəyə istinadla məlumat yayıb.

Bildirilir ki, razılaşma digər məsələlərlə yanaşı, Rusiya Federasiyası və NATO hərbi gəmiləri arasında kifayət qədər məsafənin saxlanması ilə bağlıdır.

Mənbə diqqətə çatdırıb ki, alyansın bəzi üzvləri, xüsusən də Şərqi Avropadan olanlar hərbçilər arasında bu cür təmaslara şübhə ilə yanaşırlar. Blokun digər üzvləri belə bir əlaqə kanalının saxlanmasının “Bauerin məsuliyyətinə aid olduğunu” deyiblər.

Euractiv.com bildirir ki, NATO üzvləri arasında və ümumilikdə mövcud vəziyyətlə bağlı birlik yoxdur. Qeyd olunur ki, Şərqi Avropa, Skandinaviya, keçmiş Yuqoslaviya, eləcə də Böyük Britaniyadan olan bir qrup alyansa üzv dövlətlər “sıfır məbləğli oyun” yanaşmasını dəstəkləyir.



Eyni zamanda, alyansın “ənənəvi” üzvləri – ABŞ, Türkiyə, Fransa, İtaliya və Yunanıstan bu məsələdə daha təmkinlidirlər. Almaniyaya gəlincə, mənbənin sözlərinə görə, o, son iki ildə NATO-da fəaliyyət göstərmir, bütün maliyyə öhdəliklərini yerinə yetirir, lakin öz fikrini bildirmir.

Həmçinin nəşrin həmsöhbəti qeyd edib ki, Vaşinqtonun aparıcı rolu sayəsində hazırda NATO-da “xoşbəxtlikdən” mötədil kurs üstünlük təşkil edib.

Bildirilir ki, alyans Ukraynanı bloka daxil olan ölkələrin milli təhlükəsizliyinə təhdid yaratmayacaq dərəcədə dəstəkləməkdə davam etmək niyyətindədir.





Bölməyə aid digər xəbərlər
{sape_links}{sape_article}