NATO-nun qərarı: Rusiyanı Rumıniyadan izləyəcəklər
Tarix: 13-01-2023 18:21 | Bölmə: Slayd
NATO-nun qərarı: Rusiyanı Rumıniyadan izləyəcəklər

NATO Rusiyanın hərbi hava fəaliyyətlərini izləmək üçün Rumıniyaya AWACS kimi tanınan havadan erkən xəbərdarlıq təyyarəsi göndərməyə hazırlaşır. AWACS təyyarələri yanvarın 17-də Rumıniyaya çatacaq. Təyyarələrdən NATO-nun bölgədəki mövcudluğunu gücləndirmək və Rusiya Hərbi Hava Qüvvələrinin fəaliyyətinə nəzarət etmək üçün istifadə olunacaq.

Reyting.az
-ın məlumatına görə, NATO-nun sözçüsü Oana Lungesku bəyan edib ki, ittifaqın hər kvadrat santimetrini qorumaq və müdafiə etmək əzmindədirlər.

O. Lungesku deyib ki, AWACS təyyarələri digər təyyarələri kilometrlərlə uzaqdan aşkarlaya bilir və bu, NATO-nun imkanlarını artırır.

Qeyd edək ki, Rusiyanın Ukraynaya hücumundan sonra NATO Şərqi Avropada imkanlarını genişləndirib. Bu məqsədlə bölgəyə əlavə döyüş, müşahidə, kəşfiyyat və digər məqsədlər üçün nəzərdə tutulan təyyarələr göndərib. Müharibə başlayandan bəri AWACS təyyarələri NATO sərhədləri yaxınlığında Rusiya döyüş təyyarələrini izləmək üçün Şərqi Avropa və Baltik regionu üzərində müntəzəm patrul uçuşları həyata keçirib.



Almaniyanın Geilenkirchen bazasında yerləşən donanmadan Rumıniyaya göndəriləcək AWACS təyyarələri də bir neçə həftə NATO hava məkanında kəşfiyyat uçuşları həyata keçirəcək. Təyyarə ilə yanaşı, Rumıniyaya təxminən 180 hərbi personal da göndəriləcək.

Xatırladaq ki, AWACS 400 kilometrdən çox məsafədə hava hədəflərini tanıya bilir.

Maraqlıdır ki, Rumıniyada yerləşdiriləcək və daha çox Rusiyaya nəzarət edəcək texnika NATO-nun Ukrayna sərhədinin şərqindən təxminən 200 kilometr aralıda yerləşir. NATO-nun alyansın şərq cinahında mövcudluğunu gücləndirmək və Rusiyanın Ukraynaya təcavüzü çərçivəsində bir neçə kəşfiyyat təyyarəsini Ukrayna ilə sərhədə yaxınlaşdırması rəsmi Kiyevə dəstək kimi də qiymətləndirilə bilər. Aydındır ki, bu təyyarələr kəşfiyyat uçuşu zamanı əldə etdiyi məlumatları yalnız Brüssellə paylaşmayacaq. Mümkündür ki, Kiyevə də hansısa məlumatlar verilsin.

NATO Hərbi Hava Qüvvələri komandanlığı bildirib ki, texnikanın yenidən yerləşdirilməsi qərarı Alyansın mövcudluğunun artırılması və Rusiyanın təcavüzünə nəzarətin bir hissəsi kimi qəbul edilib.

Reyting.az




Bölməyə aid digər xəbərlər