İranın molla rejimi Anna Akopyanın məsləhətinə möhtac qalıb
Tarix: 23-01-2023 18:04 | Bölmə: Slayd
İranın molla rejimi Anna Akopyanın məsləhətinə möhtac qalıb
Anna Akopyan

“Farslar və ermənilər eyni kökdəndir. İran boyda dövləti fars molla rejimi idarə edir və türkə düşmən münasibəti bəsləyir. Bunlar Azərbaycan, Türkiyə və eləcə də əksər müsəlman ölkələrinə qarşı qərəzli siyasət aparmaqla məşğuldurlar. Bu, min illərdir belədir.

Anna Akopyan məsələsinə gəldikdə, ermənilər tarix boyu siyasət, ticarət, ümumən bütün sahələrdə çətinliyə düşən kimi və nəsə əldə etmək üçün qadınlarını önə veriblər. Bu proses indi də davam edir”.

Bunu Reyting.az-a Milli Məclisin üzvü Elman Məmmədov İranda keçirilən qadın hüquqlarına dair beynəlxalq konfrans və Ermənistan baş nazirinin həyat yoldaşı Anna Akopyanın bu tədbirdə iştirakından danışarkən deyib.

E. Məmmədovun sözlərinə görə, bir neçə gün əvvəl xəbər yayıldı ki, erməni qızlarının hərbi xidmətə çağırılması reallaşa bilər: “Azərbaycan əsgərlərinin onlara ehtiyacı var, qoy gəlsinlər. Bu əclaflar çətinə düşən kimi qızlarını önə verirlər. İndi də Anna Akopyan İran mollalarının rəhbərlərinə “ağbirçəklik” edir. Bu da bir fənddir”.


E. Məmmədov

Milli Məclis üzvü diqqətə çatdırıb ki, İranda qadın hüquqlarına dair konfransın keçirilməsi absurddur: “Saqqalı qanı batan molla, sən hansı qadın hüququndan danışırsan? İranda qadın və ya insan hüququ var? Neçə müddətdir ki, orada etiraz aksiyası başlayıb və minə yaxın insanı edam edir, öldürürsən... Hətta qadına, uşağa da aman vermirsən. Hansı hüquqdan danışırsan? İndi də İranın mollası erməni keşişlə eyni səhnəyə çıxıb oyun oynayır. İran necə İslam Respublikası ola bilər ki, məscidləri dağıdan, müsəlmanlara qarşı soyqırımı törədən, onların dini məbədlərində donuz saxlayan ermənilərlə dostluq edir”.


Anna məscidə gedib

E. Məmmədov bildirib ki, İran adlanan ölkə onun dini ilə eyniyyət təşkil edən böyük bir xalqa əzab verir, müsəlmanlara qarşı soyqırımı törətmiş erməni ilə dostluq-qardaşlıq edir: “Belə olduqda İranın ermənidən hansı fərqi var? Bəlkə də dünyada özünü bizim bir nömrəli düşmənimiz hesab edən İrandakı molla rejimidir. İndi də Anna Akopyanı Tehrana dəvət edib onu yuxarı başda oturdurlar. Hələ növbəti belə tədbiri İrəvanda keçirməyi düşünürlər. Bu, İrandakı rejimin əsl simasını, iş üzünü göstərir.

Görün, həmin tədbirdə nə qədər müsəlman ölkəsindən qonaqlar iştirak edirdi, amma bunlar belə tədbiri Ermənistana salmağa çalışdı. Bu hər şeyi deyir”.

V. QULİYEV
Reyting.az




Bölməyə aid digər xəbərlər
{sape_links}{sape_article}