Rusiyaya yeni sanksiyalar tətbiq olunacaq
Tarix: 18-09-2023 17:35 | Bölmə: Xəbərlər
Rusiyaya yeni sanksiyalar tətbiq olunacaq

Avropa İttifaqı (Aİ) gələn ayın əvvəlində Rusiyaya qarşı təqdim oluna biləcək 12-ci sanksiyalar paketinin müzakirəsinə başlamağa hazırdır. Reyting.az xəbər verir ki, bu barədə “Bloomberg” agentliyi öz mənbələrinə istinadla məlumat yayıb.

Məlumata görə, oktyabrın birinci yarısında yeni məhdudlaşdırıcı tədbirlər təqdim oluna bilər. Agentlik xəbər verir ki, onların oktyabrda planlaşdırılan Avropa İttifaqı-ABŞ sammiti zamanı elan olunması mümkündür, lakin onun keçirilməsinin dəqiq tarixi hələ açıqlanmayıb.

Bildirilir ki, Aİ-nin bir qrup ölkəsi Rusiyanın nüvə sektoruna məhdudiyyətlər qoymağa çağırıb.

Mənbələrin sözlərinə görə, sanksiyaların tətbiqinə çox az vaxt qalıb və Aİ-nin 12-ci sanksiyalar paketinə Rusiya Federasiyasından almazların idxalına qadağa da daxil ola bilər. Eyni zamanda bir sıra Aİ ölkələrinin Rusiya Federasiyasından və Rusiyanın İT sektorundan LNG-yə məhdudiyyətlər qoymağa da çağırış etməsi mümkündür.

Agentliyin iddiasına görə, Aİ Rusiyanın dondurulmuş aktivlərindən əldə olunan gəlirdən Ukraynaya kömək üçün istifadə mexanizmi təklif edə bilər.

Qeyd edək ki, Avropa İttifaqı Ukraynadakı vəziyyətlə əlaqədar Rusiyaya qarşı bir çox iqtisadi və fərdi sanksiyalar qəbul edib. Bunlara rusiyalı iş adamlarına, jurnalistlərə və şirkətlərə qarşı sanksiyalar daxildir.

Y. QACAR




Bölməyə aid digər xəbərlər
21-06-2024, 07:44 KTMT Almatıda toplanır

{sape_links}{sape_article}