Bir siqaret 56 nəfərin həyatına son qoyub - Video
Tarix: 11-05-2023 16:17 | Bölmə: Xəbərlər / İdman
Bir siqaret 56 nəfərin həyatına son qoyub

1985-ci il may ayının 11-i dünya futbolu tarixində ən faciəli günlərdən biridir. İngiltərə çempionatının “Bradford”- “Linkoln” oyunundan 56 nəfər vətəninə qayıtmayıb. Çünki oyun zamanı tribunada yanğın baş verib.

Reyting.az
xatırladır ki, oyunun keçirildiyi “Valley Parade” stadionu 1886-cı ildə tikilib və yüz il ərzində yalnız kosmetik təmirdən keçib. Dəfələrlə arena sahiblərinə bununla bağlı xəbərdarlıqlar edilsə də, şikayətlər nəticəsiz qalıb.

Rəsmi ehtimla görə, “Bredford”-“Linkoln” oyununda azarkeşlərdən biri siqaret çəkməyə qərar verib. Bu şəxs oğlunu ziyarət etmək üçün İngiltərəyə gəlmiş avstraliyalı olub. O, siqaret kötüyünü ayağının altına atıb söndürməyə çalışsa da, amma yanan kötük zibil qalaqlarının üstündəki boşluğa düşüb. Fanat kofe tökərək onu söndürməyə çalışsa da, cədləri nətiəsiz qalıb və yanğın dərhal başlayıb.

Külək nəticəsində alov sürətlə yayılıb, tezliklə dam örtüyü və taxta dayaqlar yanıb. Azarkeşlər çaxnaşma içində hasarın arasından meydançaya dırmaşaraq çıxış yolları axtarmağa başlayıblar. Yanğın isə getdikcə daha da artıb.

Dam örtüyü də alovlanıb, sonra yanan dağıntılar aşağıda olan insanların üzərinə düşməyə başlayıb.

Yanğınsöndürmə briqadası tez gəlsə də, şiddətli alovu ram etmək mümkün olmayıb. Yanğın nəticəsində 56 nəfər həyatını itirib, daha 265 tamaşaçı müxtəlif dərəcəli bədən xəsarətləri alıb.

Bu faciədən sonra Böyük Britaniya taxta tribunalardan imtina edib və futbol meydançalarında təhlükəsizliyi yaxşılaşdırmaq üçün yeni qanunlar qəbul olunub.



ELÇİN




Bölməyə aid digər xəbərlər
27-03-2024, 09:47 Macarlar Orbana etiraz edir

{sape_links}{sape_article}