Ramiq Muxtar yazır: Robort ər
Tarix: 06-11-2019 18:53 | Bölmə: Cəmiyyət / Xəbər lenti
Ramiq Muxtar yazır: Robort ər

Ramiq MUXTAR,
Prezident təqaüdçüsü, Şərəf ordenli, Rəsul Rza adına Beynəlxalq mükafatın laureatı

(Rəfail və Coşqun üçün səhənəcik)

Robort ər – Coşqun

Matan xanım – Rəfail

Matan xanım: – Allo, Zəriş xanım, sənsən, ay qız, neçə vaxtdır səsin-sorağın yoxdur, yoxsa, məndən incimisən?

Səs: – İncimək nədir, Matan xanım, düzü, küsmüşəm. Özünə neçə vaxtdır Robort ər almısan, mənə zəng edib xəbər də vermirsən. Yoxsa, ona da məni qısqanasan.

Matan xanım: – Düzü, Zəriş xanım, bizim bu Beydulla tez-tez ezamiyyələrə gedir, evdə tək qalmaqdan darıxıram. O günləri yapon mağazasına gedib görüb ki, camaat Robort ər almaq üçün növbəyə düzülüb. Mənə zəng vurdu ki, burada qabyuyan, paltaryuyan, ev təmizləyən, bir də ki, Robort ər satılır.

Dedim, Robort ərin işi-gücü nə olacaq?

Dedi ki, səni massaj edəcək, intim söhbətləri ilə əyləndirəcək. Bir sözlə, səni darıxmağa qoymayacaq. Adı da Fedyadır, qiyməti də çox bahadır.

Zəriş adam kimi dil qanır, hər beş dəqiqədən bir gəlib yanımda oturur, əlimi alır əlinə, sinəsinin üstündə gəzdirir. Ancaq Zəriş, axı deyirlər, yapon alimləri çox başlı, bilikli olurlar. Bilmirəm bu Robort əri niyə ətdən yox, dəmirdən düzəldiblər. Fediyanın tək qulaqları ətdəndir. Deyirəm, lazımlı şeylərini dəmir-dümürdən ediblər, lazımsız qulaqlarını ətdən. Özü də çox qısqancdır. Beydullanı qoymur ki, əlimdən yapışsın, əli ilə onu itələyir.

Səs: – Birdəfəlik de ki, kefdəyəm də.

Matan xanım: – Zəriş xanım, Fedya deyir ki, mənim Vitya adlı qardaşım da var, o mağazanın ambarındadır, gedib alsınlar, peşman olmazlar.

Səs: – Görək, Əbil razılaşacaq, o axı yaman qısqancdır.

Matan xanım: – Bax, özü də gəldi. Mənə deyir ki, bu gün sənin falına baxacam. Zəriş xanım, vaxtı foda vermə, gedin Vityanı alın aparın evinizə.

(Robort ər kartları düzür)

Robort ər: – Mamlı Matan, sənin ilk sevgilin qızıl mağazasında işləyən arvadı ölmüş yaşlı kişi olubdur. Səni o yer qalmayıb ki, aparıb gəzdirməsin. O böyük oğlun da onun oğludur, yazdırmısan Beydullanın adına.

Matan xanım: – Fedya, qurban olum bilməzsən Beydullanın yanında belə sözlər danışarsan, aləm dəyər bir-birinə. Sən hardan bildin?

Robort ər: – Qorxma, biz bəzi insanlar kimi ailə dağıtmaqla məşğul olmuruq. Görək kartlar ta nə deyir. Mamlı Matan, niyə, milyonçu xalaoğluna ərə getməmisən, indiyədək səndən ötrü göz yaşı tökür, evlənmir. Deyir ki, ömrümün sonunda da olsa onu alacağam, milyonlarımı onun adına keçirəcəyəm.

Qoy aparatı işə salım görüm, sənin sevimli ərin Beydulla Kislovodskda nə edir?

(Başının üstündən antenna çıxarır)


Bəh, bəh, Beydulla kef dəryasında üzür. Otel otağı, sarı saç gözəl bir xanım. Qabaqlarında ikra, viski. Gör, qıza nə deyir. Deyir, Güliçka səni görəndən sonra adam istəyir ki, gedib evdə arvadının başını puşku ilə kəssin. Qız da öz dillərində nə dedisə, əyilib onu qucaqlayıb öpdü.

Matan xanım: – Deməli, Fedya deyir ki, sənin xətrinə gedib arvadımın başını kəsərəm.

Robort ər: – Mamılı Matan, səndən qan iyi gəlir, bilməzsən Beydullaya deyərsən, vurub mənim antenamı qırar, məni yarımcan edər.

Matan xanım: - Vallah, Fedyaya demərəm, qulaq as, gör ta nə danışırlar.

Robort ər: – Deyir, Güliçka evdə arvaddan gizli kitab şkafımda Marksın «Kapital» əsərinin içində 100 min dollar pulum vardı, o pula sənə «Mersedes» maşını alacağam. Öz şirkətimin həyətində sənə villa tikdirəcəyəm. Ömrümü səninlə başa vuracağam.

Matan xanım: – Güliçka nə deyir?

Robort ər: – Mən rusca bilmirəm ki, görüm nə deyir, amma bu sözdən sonra öpüşüb pastelə uzandılar.

Matan xanım: – Mən baxa bilmərəm ki, pasteldə nə edirlər.

Robort ər: – Sən dava-dava deyirsən, narahat olma, pasteldə semiçka çırtadırlar.

(Matan xanım, «Kapital» kitabını gətirir)

Matan xanım: – Çox sağ ol, Fedya, kaş sənin canın ətdən olardı, elə ömürlük sənin xanımın olardım. Beydulla bu pulları Güliçkasına xərcləyə bilməyəcək, bunu Matan bilər kimlərə xərcləyəcək.

Robort ər: – Elə demə, sənə qısqanmağım gəlir.

Matan xanım: – Fedya, bir də kartlarını düz görüm, məni nə gözləyir.

(Robort ər təzədən kartları düzür, baxır bir də təzədən düzür)


Robort ər: – Mamlı Matan deməyə dilim gəlmir axı.

Matan xanım: – Fedya gizlətmə de, bağrım yarıldı.

Robort ər: – Kartlar deyir, Beydulla maşın qəzasına düşüb öləcək, qırxı çıxmamış Matan xanımla xalası oğlu evlənib onu aparacaq Milan şəhərində yaşamağa.

Matan xanım: – Bəs, bu hadisə nə vaxt baş verəcək? Kartlardan bir soruş görək.

Robort ər: – Onu kartlar deyə bilməyəcək. O, Beydullanın özündən asılıdır. Nə vaxt maşına minəcək, nə vaxt qəza baş verəcək.

(Bu vaxt Matan xanımın telefonu səslənir)

Matan xanım: – Allo, Beydulla, bəs, nə vaxt gəlirsən, sənsiz yaman darıxmışam.

Səs: – Bəs, Fedya səni əyləndirmir. Sabah Bakıya uçuram.

Matan xanım: – Qurban olum, Beydulla, təyyarə ilə gəlmə, pis yuxu görmüşəm, taksi tut maşınla gəl. Yuxuda gördüm ki, göydə təyyarə partladı, sən də tikə-parça oldun. Get, biletini qaytar, məni bədbəxt eləmə.

Robort ər: – Kaş, bütün qadınlar ərlərinə sənin kimi sadiq olardılar. Afərin, Mamlı Matan, səndən analar doğmayıb.скачать dle 10.5фильмы бесплатно




Bölməyə aid digər xəbərlər
{sape_links}{sape_article}