Daha bir icra başçısına təhlükə yaranıb - Video
Tarix: 12-07-2020 13:12 | Bölmə: Cəmiyyət / Xəbər lenti
Daha bir icra başçısına təhlükə yaranıb

Azərbaycan Respublikasının Prezidenti İlham Əliyevin göstərişi ilə korrupsiya və rüşvətorluğa qarşı mübarizə tədbirləri davam etdirilir. Görülən tədbirlər nəticəsində Dövlət Təhlükəsizliyi Xidməti (DTX) həm bir neçə nazirliyin yüksək vəzifəli əməkdaşlarına, həm də bəzi rayonların icra başçılarına qarşı əməliyyatlar keçirib. Hazırda saxlanılan şəxslərin qanunsuz əməlləri araşdırılır və istintaq başa çatdıqdan sonra cəmiyyətə əlavə məlumatlar veriləcək.

Reyting.az
xəbər verir ki, həm Azərbaycanın dövlət başçısı, həm də ayrı-ayrı ekspertlər DTX-nın keçirdiyi əməliyyatların fəaliyyətində müsbətə doğru irəlləyiş yarada bilməyən digər məmurlara, xüsusilə də bəzi icra başçılarına bir xəbərdarlıq olduğunu bildirirlər.

Xatırladaq ki, dünən Bakı şəhər Nizami rayonunun icra başçısı Aif Qasımov da etdiyi səhvlərə görə vəzifədən azad olundu.

Bəzi ekspertlər isə iddia edirlər ki, baş verənlərdən nəticə çıxarmayan məmurlar hələ kifayət qədərdir. Belə məmurlardan biri də, adı müxtəlif qalmaqallarda, qanunsuz biznes fəaliyyətində, korrupsiya və rüşvətxorluqda hallanan Sabunçu rayonunun icra başçısı Adil Vəliyevdir.

Qeyd edək ki, ölkə KİV-ləri müxtəlif vaxtlarda Sabunçunun icra başçısı Adil Vəliyevi ifşa edib, onun törətdiyi çoxsaylı qanunsuzlardan və zəngin həyat tərzindən yazıb. Məsələn, iddia olunur ki, Adil Vəliyevin bahalı avtomobil kolleksiyası var. Burada söhbət dəyəri 100 minlərlə dollar olan “Ferrari”, “Porshe” və digər bahalı avtomobillərdən gedir. Hələ bir neçə il əvvəl hüquqşünas Aslan İsmayılov da bununla bağlı sosial şəbəkələrdə məlumat yayıb. Müəyyən olunub ki, A. Vəliyevin xidməti avtomobilinin də qiyməti ucuz deyil.



Mətbuatda yazılanlardan belə çıxır ki, Sabunçunun icra başçısının oğlu da zəngin həyat tərzi sürür, paytaxtın ən dəbdəbəli əyləncə mərkəzlərinin daimi müştərilərindəndir.

Bir icra başçısının bu qədər avtomobil kolleksiyası və “biznes imperiyasının” olması əlbəttə, anlaşılan deyil. Əgər bu iddialar həqiqətdirsə, bu zaman icra başçısının aldığı əmək haqqı ilə ona məxsus olan avtomobillərin və daşınmaz əmlakların qiyməti arasında ciddi təzad yaranır. Deməli, korrupsiya ilə məşğul olan və vəzifədən sui-istifadə edən təkcə saxlanılan icra başçıları deyil. Saxlanılmayan və qanunsuz fəaliyyətini davam etdirən icra başçıları da var. Adil Vəliyevin də belə icra başçılarından olduğu iddia edilir. Yəqin elə bu səbəbdəndir ki, hakimiyyətə yaxın ekspertlər “vurulmaq” növbəsinin A. Vəliyevə çatdığını bildirirlər.

Reyting.azскачать dle 10.5фильмы бесплатно




Bölməyə aid digər xəbərlər
Bu gün, 13:19 Sabah yağış yağacaq

bütün xəbərlər
{sape_links}{sape_article}