17:38 / 28-03-2024
Əməkdar artist vəfat edib
Goranboyda qətl: qadına iki güllə vurublar - Saxlanılan var
Tarix: 06-08-2020 09:33 | Bölmə: Cəmiyyət / Xəbərlər
Goranboyda qətl: qadına iki güllə vurublar

Goranboy rayonunda qətl hadisəsi baş verib.

Məlumata görə, odlu silahdan açılmış atəş nəticəsində yaralanan İmanova Gülbuta Gülzalı qızının həyatını xilas etmək mümkün olmayıb. Onun iki güllə yarası aldığı bildirilir.

Reyting.az “Report”a istinadla xəbər verir ki, hadisə rayonun Goran qəsəbəsi (Stansiya) ərazisində qeydə alınıb.

Hadisəni törətməkdə şübhəli bilinən, Qərib Zamanov saxlanılıb.

Goranboy rayon prokurorluğu baş vermiş hadisə barədə məlumat yayıb.

Bildirilir ki, avqustun 5-də saat 23 radələrində Goranboy rayonu, Goran qəsəbə sakini, 1983-cü il təvəllüdlü Gülbuta İmanovanın odlu silahdan atəş açılması nəticəsində öldürülməsinə dair daxil olan əsasında dərhal hadisə yerinə baxış keçirilib, digər prosessual hərəkətlər yerinə yetirilib.

Araşdırmalarla cinayətin 1986-cı il təvəllüdlü Qərib Zamanov tərəfindən zərərçəkmiş şəxslə şəxsi münasibətlər zəminində aralarında yaranmış mübahisə zamanı ov tüfəngindən atəş açarılaraq törədilməsinə əsaslı şübhələr müəyyən edilib.

Faktla bağlı Goranboy rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib.

Qərib Zamanov şübhəli şəxs qismində tutularaq istintaqa cəlb edilib.

Hazırda iş üzrə zəruri istintaq tədbirləri davam etdirilir.

Reyting.az




Bölməyə aid digər xəbərlər
27-03-2024, 09:47 Macarlar Orbana etiraz edir

{sape_links}{sape_article}