16:18 / 01-03-2024
Navalnı dəfn olunub
ABŞ-Çin münasibətlərindəki gərginlik azalır?
Tarix: 15-10-2023 21:50 | Bölmə: Dünya
ABŞ-Çin münasibətlərindəki gərginlik azalır?

ABŞ və Çin arasında münasibətlərin pisləşməsi dayanıb və vəziyyət qismən stabilləşib.

Reyting.az
-ın xəbərinə görə, bunu Çin Xarici İşlər Nazirliyi iki ölkənin diplomatik departamentlərinin rəhbərləri - Antoni Blinken və Vanq Yı arasında söhbətin yekunları üzrə məlumatları da göstərir.

Söhbətin Yaxın Şərqdəki vəziyyəti müzakirə etmək üçün Amerika tərəfinin təşəbbüsü olduğu qeyd edilir. Vanq Yi İsrail və Qəzza zolağında baş verən hadisələri şərh edərkən əmin edib ki, Çin mülki əhaliyə zərər vuran bütün hərəkətlərə qarşıdır və beynəlxalq hüququ pozan istənilən hərəkəti pisləyir.

Vanq Yi Fələstin probleminin həllinin əsas yolunun “iki dövlətli həll”in həyata keçirilməsi olduğunu da vurğulayıb.

Tərəflər eyni zamanda Çin-Amerika münasibətlərinə dair fikir mübadiləsi aparıblar.

Vanq Yi qeyd edib ki, son vaxtlar Çin və ABŞ arasında bir sıra yüksək səviyyəli təmaslar olub, ikitərəfli münasibətlərin korlanması dayanıb və sabitləşib: “Bu, iki ölkə xalqı və beynəlxalq ictimaiyyət tərəfindən müsbət qarşılanır”.

Qeyd edək ki, ABŞ-Çin münasibətlərində kəskin pisləşmə keçən ilin avqustunda ABŞ Nümayəndələr Palatasının o vaxtkı sədri Nensi Pelosinin Tayvana səfərindən sonra başlayıb. Çin bunu öz suverenliyinin pozulması kimi qiymətləndirib, çünki Pekin adanı öz ərazisi hesab edir. Fevral ayında, Çin və ABŞ detensiyaya başlamağı planlaşdırarkən, Amerika üzərində Çin isti hava balonları ilə bağlı yeni bir qalmaqal baş verib. Pekinin bunların küləklə uçurduğu hava şarları olduğunu iddia etməsinə baxmayaraq, Vaşinqton bunu casusluq aktı kimi qiymətləndirərək hava şarlarını vurub.

İki dövlət arasında münasibətlər Rusiyanın Ukraynaya müdaxiləsi kontekstində Pekinin rusiyayönlü siyasəti və ABŞ-ın Çinin Tayvanı işğal etməyə hazırlaşmasından ehtiyat etməsi səbəbindən də gərginləşib.

ELÇİN





Bölməyə aid digər xəbərlər
Bu gün, 16:18 Navalnı dəfn olunub
28-02-2024, 14:50 Lavrov Türkiyəyə gedir
27-02-2024, 10:15 Patruşev Kubaya gedib

{sape_links}{sape_article}