Hizbullah lideri İsraili yenə hədələyir
Tarix: 18-07-2024 09:26 | Bölmə: Dünya
Hizbullah lideri İsraili yenə hədələyir

İsrail Livanda mülki insanları hədəfə almağa davam edərsə, Hizbullah İsraildə daha əvvəl vurmadığı nöqtələri hədəf seçəcək.

Reyting.az
xəbər verir ki, bunu Hizbullah lideri Həsən Nəsrullah Aşura günü münasibətilə etdiyi çıxışında deyib.

Hazırda İsraillə Hizbullah arasında gərginlik səngimir. Nəsrullah İsrailin Qəzzada hərbi imkanlarının zəiflədiyini və Livana girəcəyi təqdirdə İsrail ordusuna aid bütün tankların məhv ediləcəyini bildirib.

Digər tərəfdən, ötən gün İsrailin Qəzza zolağına hücumlarında azı 60 nəfər həyatını itirib. İsrailin hədəfə aldığı bölgələr arasında köçkünlərin sığındığı məktəb və İsrailin müəyyən etdiyi “təhlükəsiz zona”nın olduğu da bildirilib. İsrail ordusu hücuma məruz qalan məktəbdə HƏMAS yaraqlılarının olduğunu açıqlayıb.

Avropa İttifaqının (Aİ) Xarici əlaqələr və təhlükəsizlik siyasəti üzrə ali nümayəndəsi Cosef Borrell bəzi Avropa ölkələrinin Fələstin dövlətini tanımaq qərarına cavab olaraq İsrailin işğal etdiyi İordan çayının qərb sahilindəki torpaqları ələ keçirməyə davam etdiyini bildirib.

Hücumların başlanğıcından Aİ-nin “İsrailin özünümüdafiə haqqını” müdafiə etdiyini, həmçinin Qəzzada mülki şəxslərə qarşı qeyri-mütənasib hücumları pislədiyini xatırladan Borrell deyib: “Avropa Birliyi daxilində fərqli vurğular ola bilər, lakin Aİ-nin mesajı aydındır: biz beynəlxalq və humanitar hüquqa hörmət edirik. Buna hörmət edilməlidir və hərbi əməliyyatlar buna uyğun olmalıdır”.

ELÇİN




Bölməyə aid digər xəbərlər
{sape_links}{sape_article}